മാഡ്രിഡ്: സ്പെയിന് ലോകകപ്പ് കിരീടം നേടിയതിന് പിന്നാലെ ഫുട്ബോള് ലോകത്ത് ഏറെ ശ്രദ്ധ നേടിയ താരജോഡികളായിരുന്നു ലമിന് യമാലും സോഷ്യല് മീഡിയ ഇന്ഫ്ലുവന്സറായ ഇനസ് ഗാര്ഷ്യയും. ലോകകപ്പ് വിജയത്തിന് പിന്നാലെ യമാലിനൊപ്പമുള്ള ആഘോഷ ചിത്രങ്ങള് പങ്കുവെച്ച് വാര്ത്തകളില് നിറഞ്ഞുനിന്ന ഇനസ് ഇപ്പോള് വീണ്ടും ചര്ച്ചയാകുന്നത് ബ്രേക്കപ്പ് അഭ്യൂഹങ്ങളുടെ പശ്ചാത്തലത്തിലാണ്.
ലോകകപ്പ് ആരംഭിക്കുന്നതിന് മാസങ്ങള്ക്ക് മുന്പാണ് യമാലും ഇനസും പ്രണയത്തിലായതെന്നാണ് റിപ്പോര്ട്ടുകള്. യമാലിന്റെ സന്ദേശത്തെ തുടര്ന്ന് അഞ്ച് വര്ഷത്തെ പഴയ പ്രണയബന്ധം അവസാനിപ്പിച്ചാണ് ഇനസ് സ്പാനിഷ് താരത്തോടൊപ്പം ചേര്ന്നതെന്ന വാര്ത്തകളും സമൂഹമാധ്യമങ്ങളില് വ്യാപകമായി പ്രചരിച്ചിരുന്നു. ഇനസിന്റെ മുന് കാമുകനും ഇതുസംബന്ധിച്ച് സമൂഹമാധ്യമങ്ങളില് പ്രതികരിച്ചതോടെ വിവാദങ്ങള് ശക്തമായി. പിന്നാലെ തനിക്കെതിരായ സൈബര് ആക്രമണങ്ങളില് മനംനൊന്ത്, ‘എന്നോട് അല്പമെങ്കിലും മനുഷ്യത്വം കാണിക്കൂ’ എന്ന അഭ്യര്ഥനയുമായി ഇനസ് രംഗത്തെത്തുകയും ചെയ്തിരുന്നു.
ഇപ്പോഴിതാ ഇരുവരും വേര്പിരിഞ്ഞെന്ന അഭ്യൂഹങ്ങള് വീണ്ടും സജീവമായിരിക്കുകയാണ്. ഇനസ് ഇന്സ്റ്റഗ്രാമില് പങ്കുവെച്ച ഒരു സ്റ്റോറിയാണ് ഇതിന് കാരണം. ‘ഒരുപാട് മോശം കാര്യങ്ങള് ഞാന് കേട്ടുകഴിഞ്ഞു. നിങ്ങളോട് എന്താണ് പറയേണ്ടതെന്ന് എനിക്കറിയില്ല’ എന്നായിരുന്നു സ്റ്റോറിയിലെ കുറിപ്പ്.
സ്റ്റോറി പുറത്തുവന്നതോടെ സമൂഹമാധ്യമങ്ങളില് നിരവധി അനുമാനങ്ങളാണ് ഉയരുന്നത്. ‘യമാല് അവളുടെ ഹൃദയം തകര്ത്തു’ എന്നായിരുന്നു ചിലരുടെ പ്രതികരണം. എന്നാല്, ‘കഴിഞ്ഞ ആഴ്ചയായിരുന്നു യമാലിന്റെ അമ്മയ്ക്കും അച്ഛനും സഹോദരനും ഇനസ് സമ്മാനങ്ങള് നല്കിയത്. അതിനാല് ഈ സ്റ്റോറി ബ്രേക്കപ്പിനെ കുറിച്ചാണെന്ന് കരുതുന്നില്ല’ എന്ന അഭിപ്രായവും ആരാധകര് പങ്കുവയ്ക്കുന്നുണ്ട്. ‘ബന്ധം അവസാനിപ്പിക്കാന് തീരുമാനിച്ചത് ഇനസ് തന്നെയാകാം’ എന്ന തരത്തിലുള്ള കമന്റുകളും സമൂഹമാധ്യമങ്ങളില് നിറയുന്നുണ്ട്.
അതേസമയം, യമാലോ ഇനസ് ഗാര്ഷ്യയോ ഇതുവരെ ബന്ധം അവസാനിപ്പിച്ചതായി ഔദ്യോഗികമായി പ്രതികരിച്ചിട്ടില്ല. അതിനാല് സമൂഹമാധ്യമങ്ങളിലെ ചര്ച്ചകള്ക്കും അഭ്യൂഹങ്ങള്ക്കും അപ്പുറം ഇക്കാര്യം സ്ഥിരീകരിക്കപ്പെട്ടിട്ടില്ല.