ഇടുക്കി: മാങ്കുളം സെൻട്രൽ ജംഗ്ഷന് സമീപം യുവാവിനെ മരിച്ച നിലയിൽ കണ്ടെത്തി. മാങ്കുളം സ്വദേശി മജേഷ് തൊടുകയിലാണ് മരിച്ചത്. ടൗണിന് സമീപം പാർക്ക് ചെയ്തിരുന്ന ഓട്ടോറിക്ഷയോട് ചേർന്നാണ് മജേഷിന്റെ മൃതദേഹം കണ്ടെത്തിയത്. മാങ്കുളം പഞ്ചായത്തിലെ താൽക്കാലിക ഡ്രൈവറായി ജോലി ചെയ്തുവരികയായിരുന്നു മജേഷ്.
കഴിഞ്ഞദിവസം മജേഷിന് ജോലി നഷ്ടപ്പെട്ടിരുന്നു. മരണകാരണം വ്യക്തമല്ല. സംഭവത്തിൽ പൊലീസ് അന്വേഷണം ആരംഭിച്ചു. മൃതദേഹം പോസ്റ്റുമോർട്ടത്തിനായി കൊണ്ടുപോയി. പോസ്റ്റുമോർട്ടത്തിന് ശേഷമേ കൂടുതൽ വിവരങ്ങൾ വ്യക്തമാകൂ.
