ഏഷ്യന്‍ ഗെയിംസില്‍ മിക്‌സഡ് കോമ്പൗണ്ട് അമ്പെയ്‌ത്ത്; ഷൂട്ട്ഓഫില്‍ കൊറിയയെ വീഴ്‌ത്തി; ചികിത-സാഹില്‍ സഖ്യത്തിന് സ്വര്‍ണം

നഗോയ: ഏഷ്യന്‍ ഗെയിംസില്‍ അമ്പെയ്‌ത്തില്‍ ഇന്ത്യയ്‌ക്ക് മറ്റൊരു സ്വര്‍ണം. മിക്‌സഡ് ടീം കോമ്പൗണ്ട് ഇനത്തില്‍ ചികിത തനിപര്‍ത്തി-സാഹില്‍ ജാദവ് സഖ്യമാണ് സ്വര്‍ണം സ്വന്തമാക്കിയത്. ഫൈനലില്‍ ദക്ഷിണ കൊറിയയുടെ ജംഗ്യുന്‍ പാര്‍ക്ക്-യോങ്ഹീ ചോയി സഖ്യത്തെ ഷൂട്ട്ഓഫിലാണ് ഇന്ത്യ മറികടന്നത്. നാലാം എന്‍ഡ് പൂര്‍ത്തിയാകുമ്പോള്‍ ഇരു ടീമുകളും 157 പോയിന്റ് വീതം നേടി സമനിലയിലായിരുന്നു. ഇതോടെയാണ് സ്വര്‍ണമെഡല്‍ ജേതാക്കളെ തീരുമാനിക്കാന്‍ ഷൂട്ട്ഓഫ് വേണ്ടിവന്നത്. ഷൂട്ട്ഓഫില്‍ ചികിതയും സാഹിലും 10 പോയിന്റ് വീതം നേടി.

ദക്ഷിണ കൊറിയയ്‌ക്കായി ജംഗ്യുന്‍ പാര്‍ക്കും 10 പോയിന്റ് സ്വന്തമാക്കിയെങ്കിലും യോങ്ഹീ ചോയിക്ക് 9 പോയിന്റ് മാത്രമാണ് നേടാനായത്. ഇതോടെ ഇന്ത്യ സ്വര്‍ണം ഉറപ്പിച്ചു. മൂന്നാം എന്‍ഡിലാണ് ഇന്ത്യന്‍ സഖ്യത്തിന് ആദ്യ തിരിച്ചടി നേരിട്ടത്. 38 പോയിന്റ് മാത്രമാണ് ഇന്ത്യ നേടിയത്. അതേസമയം കൊറിയ 39 പോയിന്റ് സ്വന്തമാക്കി. എന്നാല്‍ അവസാന എന്‍ഡില്‍ ഇന്ത്യ 39 പോയിന്റ് നേടി തിരിച്ചുവന്നു. കൊറിയ അവസാന എന്‍ഡില്‍ 40ല്‍ 40 പോയിന്റും നേടിയതോടെ മത്സരം 157-157 എന്ന നിലയില്‍ സമനിലയിലായി.

Don’t miss the latest breaking news and updates! Subscribe to Janam TV’s WhatsApp channel now…

https://whatsapp.com/channel/0029Va4LMqWE50UdrVhraq0y

ഷൂട്ട്ഓഫില്‍ ചികിതയും സാഹിലും കൃത്യമായി 10 പോയിന്റ് വീതം നേടിയതോടെ ഇന്ത്യ നിര്‍ണായക മുന്‍തൂക്കം നേടി. കൊറിയയുടെ യോങ്ഹീ ചോയിയുടെ അമ്പ് 10ല്‍ നിന്ന് മാറിയതോടെ മത്സരം അവസാനിക്കുകയും ഇന്ത്യ സ്വര്‍ണമണിയുകയുമായിരുന്നു. ഇതോടെ നിലവിലെ ഏഷ്യന്‍ ഗെയിംസില്‍ അമ്പെയ്‌ത്തില്‍ ഇന്ത്യയുടെ രണ്ടാം സ്വര്‍ണമെഡലാണ് സ്വന്തമായത്.