കൊച്ചി: കൊച്ചിയില് നടി ആക്രമിക്കപ്പെട്ട കേസുമായി ബന്ധപ്പെട്ട് കാവ്യ മാധവന്റെ ഉടമസ്ഥതയിലുള്ള ഓണ്ലൈന് വസ്ത്രവ്യാപാര സ്ഥാപനമായ ‘ലക്ഷ്യ’യില് പോലീസ് പരിശോധന നടത്തിയത് പള്സര് സുനി പകര്ത്തിയ നടിയുടെ ദൃശ്യങ്ങള് അടങ്ങിയ മെമ്മറി കാര്ഡ് തേടിയാണെന്ന് സൂചന.
കൂട്ടുപ്രതി വീജീഷാണ് മെമ്മറി കാര്ഡ് കൈമാറിയതെന്നും സുനി മൊഴി നല്കിയിരുന്നു. മെമ്മറി കാര്ഡില് നടിയെ പീഡിപ്പിക്കുന്നതിന്റെ ദൃശ്യങ്ങളുണ്ടെന്നാണ് വിവരം.
കഴിഞ്ഞ ദിവസമാണ് പോലീസ് കാവ്യ മാധവന്റെ ഉടമസ്ഥതയിലുള്ള ഓണ്ലൈന് വസ്ത്രവ്യാപാര സ്ഥാപനമായ ‘ലക്ഷ്യ’യില് റെയ്ഡ് നടത്തിയത്. നടിയെ തട്ടികൊണ്ടു പോയ കേസിലെ ഗൂഢാലോചന അന്വേഷിക്കുന്ന സിഐയുടെ നേതൃത്വത്തിലുള്ള ഉദ്യോഗസ്ഥരാണു പരിശോധന നടത്തിയത്. വെള്ളിയാഴ്ച രാവിലെ 11നു തുടങ്ങിയ പരിശോധന ഉച്ചയ്ക്കു രണ്ടു വരെ നീണ്ടുനിന്നിരുന്നു.
പണമിടപാടുകളും കംപ്യൂട്ടറിലെ വിവരങ്ങളും സി.സി.ടി.വി. ദൃശ്യങ്ങളുമാണ് പോലീസ് പരിശോധിച്ചത്. സി.സി.ടി.വി. ദൃശ്യങ്ങള് പരിശോധനയ്ക്കായി സി.ഡിറ്റിലേക്ക് അയക്കും.