Sports

കോഹ് ലിയുടെ വെടിക്കെട്ട് വെറുതെയായി; ജയം ‘റാഞ്ചി’ ഓസിസ്

റാഞ്ചി: ഓസ്ട്രേലിയയ്ക്കെതിരായ മൂന്നാം ഏകദിന ക്രിക്കറ്റിൽ ഇന്ത്യക്ക് തോൽവി. 32 റൺസിനാണ് ഓസിസിന്റെ ജയം. 314 വിജയ ലക്ഷ്യവുമായി ഇറങ്ങിയ ഇന്ത്യ 281 ന് കൂടാരം കയറി. നായകൻ വിരാട് കോഹ് ലിയുടെ സെഞ്ച്വറി പ്രകടനമാണ് ഇന്ത്യക്ക് വലിയ തോൽവി ഒഴിവാക്കിയത്.

ഇന്ത്യയുടെ തുടക്കം തകർച്ചയോടെയായിരുന്നു. 9 ഓവറിൽ 32 റൺസ് നേടുന്നതിനിടെ ശിഖർ ധവാന്‍റേയും അമ്പാട്ടി റായിഡുവിന്‍റേയും രോഹിത് ശർമ്മയുടേയും വിക്കറ്റുകൾ നഷ്ടമായി. ധവാൻ ഒന്നും റായിഡു രണ്ടും രോഹിത് 14 ഉം റൺസെടുത്ത് പുറത്താവുകയായിരുന്നു. പിന്നീട് നായകൻ കോഹ് ലി നടത്തിയ രക്ഷാ പ്രവർത്തനം  ഇന്ത്യയ്ക്ക് വിജയ പ്രതീക്ഷ നൽകിയിരുന്നു. 95 പന്തിൽ 123 റൺസെടുത്താണ് കോഹ് ലി മടങ്ങിയത്.

നേരത്തെ, ടോസ് നഷ്ടപ്പെട്ട് ആദ്യം ബാറ്റുചെയ്ത ഓസീസ് നിശ്ചിത ഓവറിൽ അഞ്ച് വിക്കറ്റ് നഷ്ടത്തിലാണ് 313 റൺസെടുത്തത്. 104 റൺസെടുത്ത ഉസ്മാൻ ഖ്വാജയുടേയും 93 റൺസെടുത്ത ക്യാപ്‍റ്റൻ ആരോൺ ഫിഞ്ചിന്‍റേയും ഇന്നിംഗ്സുകളാണ് ഓസ്ട്രേലിയയ്ക്ക് മികച്ച സ്കോർ സമ്മാനിച്ചത്.

598 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close