Sports

ഐ ലീഗ്; ചെന്നൈ സിറ്റി ചാമ്പ്യന്മാർ

കോയമ്പത്തൂർ: ഐ ലീഗ് ഫുട്ബോൾ ടൂർണമെന്റിലെ നിർണ്ണായക മത്സരത്തിൽ മിനർവ പഞ്ചാബിനെ പരാജയപ്പെടുത്തി ചെന്നൈ സിറ്റി തങ്ങളുടെ കന്നിക്കിരീടം സ്വന്തമാക്കി. കോയമ്പത്തൂരിലെ നെഹ്രു സ്റ്റേഡിയത്തിൽ നടന്ന മത്സരത്തിൽ ഒന്നിനെതിരെ മൂന്ന് ഗോളുകൾക്കാണ് ചെന്നൈയുടെ വിജയം.

56ആം മിനിറ്റിൽ പെനാൽറ്റിയിലൂടെ ഗോൾ കണ്ടെത്തിയ പെഡ്രോ മാൻസിയും 69, 93 മിനിറ്റുകളിൽ ഇരട്ട ഗോൾ നേടിയ ഗൗരവ് ബോറയുമാണ് ചെന്നൈ സിറ്റിയുടെ വിജയശില്പികൾ. മത്സരത്തിന്റെ മൂന്നാം മിനിറ്റിൽ റോളണ്ട് ബിലാലയുടെ ഗോളിലൂടെ മിനർവ മുന്നിലെത്തിയെങ്കിലും പിന്നീട് ചെന്നൈ ആക്രമണത്തിന് മുന്നിൽ പതറുകയായിരുന്നു.

20 മത്സരങ്ങളിൽ നിന്ന് 13 വിജയവും നാല് സമനിലയും മൂന്ന് തോൽവികളുമടക്കം 43 പോയിന്റുകൾ കരസ്ഥമാക്കിയാണ് ചെന്നൈ കിരീടത്തിൽ മുത്തമിട്ടത്. 42 പോയിന്റുകളുമായി ഈസ്റ്റ് ബംഗാൾ രണ്ടാം സ്ഥാനത്തെത്തി. കോഴിക്കോട് കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ ഗോകുലം കേരള എഫ്സിയ്ക്കെതിരെ ഒന്നിനെതിരെ രണ്ട് ഗോളുകൾക്കായിരുന്നു ഈസ്റ്റ് ബംഗാളിന്റെ വിജയം.

20 മത്സരങ്ങളിൽ നിന്ന് മൂന്ന് ജയവും എട്ട് സമനിലയും ഒമ്പത് തോൽവിയുമടക്കം 17 പോയിന്റ് നേടി ഒമ്പതാം സ്ഥാനത്താണ് ഗോകുലം കേരള എഫ്സി.

94 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close