മുംബൈ:പരിശീലനത്തിനിടെ പരിക്കേറ്റ ക്യാപ്റ്റന്രോഹിത്ത് ശര്മ്മയില്ലാതെ സ്വന്തം കാണികള്ക്ക് മുന്നില് കളിക്കാനിറങ്ങിയ മുംബൈ ഇന്ത്യന്സിന് പഞ്ചാബിനെതിരെ 3 വിക്കറ്റിന്റെ അവിശ്വസിനീയ ജയം. പോരാട്ടം അവസാന പന്ത് വരെ നീണ്ടുനിന്ന മത്സരത്തില് ക്യാപ്റ്റന് കീറണ് പൊള്ളാര്ഡിന്റെ ബാറ്റിംഗ് വെടിക്കെട്ടാണ് മുംബൈയെ വിജയതീരത്തണച്ചത്. സ്കോര് പഞ്ചാബ് 20 ഓവറില്4 വിക്കറ്റിന് 197; മുംബൈ 20 ഓവറില്7 വിക്കറ്റിന് 198.
കൈവിട്ടെന്ന് കരുതിയ മത്സരമാണ് പൊള്ളാര്ഡിന്റെ വെടിക്കെട്ട് ബാറ്റിംഗിലൂടെ മുംബൈ പിടിച്ചടക്കിയത്. നേരത്തെ ടോസ് നേടി ബാറ്റിംഗ് തിരഞ്ഞെടുത്ത കിംഗ്സ് ഇലവന് പഞ്ചാബിനു വേണ്ടി ഓപ്പണര്മാരായ ക്രിസ് ഗെയിലും (36 പന്തില്63) കെ.എല്.രാഹുലും (64 പന്തില്100*) തകര്ത്താടിയപ്പോള് സ്കോര് ബോര്ഡില് പിറന്നത് 197 എന്ന പടുകൂറ്റന് സ്കോര്. ഓപ്പണിംഗ് വിക്കറ്റില്116 റണ്സ് നേടിയ ശേഷമാണ് ഇരുവരും പിരിഞ്ഞത്.പിന്നീട് നിശ്ചിത ഇടവേളകളില് പഞ്ചാബിന് വിക്കറ്റുകള് നഷ്ടമായെങ്കിലും അവസാനം വരെ പേരാടിയ രാഹുലിന്റെ സെഞ്ച്വറിയാണ് പഞ്ചാബിന് മികച്ച സ്കോര് സമ്മാനിച്ചത്.
മറുപടി ബാറ്റിംഗിനിറങ്ങിയ മുംബൈക്ക് തുടക്കം അത്ര ശുഭകരമായിരുന്നില്ല. മുംബൈ ബാറ്റ്സ്മാന്മാരെ പഞ്ചാബ് ബോളര്മാര് തുടക്കത്തിലേ പിടിച്ചുകെട്ടി. ആദ്യ 10 ഓവറില് മുംബൈ സ്കോര് വെറും 65!. എന്നാല് പതിവിലും നേരത്തെ ക്രീസിലെത്തിയ പൊള്ളാര്ഡ് നിയന്ത്രണം സ്വയം ഏറ്റെടുത്തതോടെ കളിയുടെ ഗതി മാറി.അതിവേഗം സ്കോര്ബോര്ഡ് ചലിപ്പിച്ച പൊള്ളാര്ഡ് നേടിയത് വെറും 31 പന്തുകളില്നിന്ന് 10 കൂറ്റന് സിക്സറുകളുടേയും 3 ബൗണ്ടറികളുടേയും അകമ്പടിയോടെ 83 റണ്സ്!
നേരത്തേ പഞ്ചാബിനുവേണ്ടി മികച്ച പ്രകടനം നടത്തിയ മുഹമ്മദ് ഷമി 4 ഓവറില്21 റണ്സ് മാത്രം വിട്ടുകൊടുത്ത് 3 വിക്കറ്റുകള്വീഴ്ത്തിയിരുന്നു. പഞ്ചാബിനെതിരായ വിജയത്തോടെ പട്ടികയില്8 പോയിന്റുള്ള മുംബൈ ഇന്ത്യന്സ് മൂന്നാമതാണ്.
