Sports

ലോകകപ്പ് ക്രിക്കറ്റ് വിജയികൾക്കായി ഐസിസി നൽകുന്ന സമ്മാനം ഇതാണ്

ലണ്ടന്‍: ഈ മാസം അവസാനം ആരംഭിക്കുന്ന ക്രിക്കറ്റ് മാമാങ്കത്തിലെ വിജയികളെ കാത്തിരിക്കുന്നത് ഐസിസിയുടെ വമ്പന്‍ സമ്മാനത്തുകയാണ്. ലോകകപ്പിന്റെ ചരിത്രത്തിലെ തന്നെ ഏറ്റവും വലിയ സമ്മാനത്തുകയാണ് ഇത്തവണ ജേതാക്കളെ കാത്തിരിക്കുന്നത്. 4 മില്യന്‍ യുഎസ് ഡോളറാണ് ചാംപ്യന്‍മാര്‍ക്ക് ലഭിക്കുക.

റണ്ണര്‍അപ്പ് ആകുന്ന ടീമിന് 2 മില്യന്‍ യുഎസ് ഡോളറും സമ്മാനമായി ലഭിക്കും. സെമി ഫൈനലില്‍ പുറത്താകുന്ന 2 ടീമുകള്‍ക്കും സമ്മാനത്തുക പ്രഖ്യാപിച്ചിട്ടുണ്ട്. 800,000 യുഎസ് ഡോളര്‍ വീതമാണ് ടീമുകള്‍ക്കു ലഭിക്കുക. ലീഗ് മത്സരങ്ങള്‍ വിജയിക്കുന്ന ടീമുകള്‍ക്ക് 40,000 യുഎസ് ഡോളര്‍ വീതവും ലഭിക്കും. കഴിഞ്ഞ തവണ വിജയികളായ ടീമിന് ലഭിച്ചത് 3.75 മില്യന്‍ യുഎസ് ഡോളറായിരുന്നു. കഴിഞ്ഞ തവണത്തേപ്പോലെ തന്നെ ഇത്തവണയും ആകെ സമ്മാനത്തുക 10 മില്യന്‍ യുഎസ് ഡോളറാണ്.

ഇത്തവണ ആരാണ് ഫേവറിറ്റ്സുകള്‍ എന്ന ചോദ്യത്തിന് കൃത്യമായ ഒരു ഉത്തരം പറയുക ബുദ്ധിമുട്ടാകും, കാരണം എല്ലാ ടീമുകളും ഏറ്റവും മികച്ച സ്‌ക്വാഡിനെയാണ് കളത്തിലിറക്കുന്നത്. എന്നാലും സ്വന്തം മണ്ണില്‍ കളിക്കുന്നതിന്റെ ആനുകൂല്യം ഇംഗ്ലീഷ് പടക്ക് ലഭിക്കുമെന്ന് ഒരു വിഭാഗം ക്രിക്കറ്റ് വിദഗ്ധര്‍ അഭിപ്രായപ്പെടുമ്പോള്‍ ഇന്ത്യക്ക് സാധ്യത കല്‍പ്പിക്കുന്നവരുമേറെയാണ്. ജൂണ്‍ 5-ന് ദക്ഷിണാഫ്രിക്കയോടാണ് ഇന്ത്യയുടെ ആദ്യ മത്സരം.

4 വര്‍ഷത്തെ കാത്തിരിപ്പിന് വിരാമമിട്ട് മെയ് 30-ന് ഇംഗ്ലണ്ടിലും വെയില്‍സിലുമായി നടക്കുന്ന ക്രിക്കറ്റ് ലോകകപ്പിന് തുടക്കമാകുകയാണ്. ആവേശത്തിനും ആഘോഷങ്ങള്‍ക്കുമൊടുവില്‍ ജൂലൈ 14-ന് നടക്കുന്ന കലാശപ്പോരാട്ടത്തില്‍ ക്രിക്കറ്റ് ലോകത്തിന്റെ അമരക്കാര്‍ ആരാകുമെന്ന് കാത്തിരുന്ന് കാണാം.

220 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close