Sports

ലോകകപ്പല്ല, അഭിനന്ദന്റെ ചായക്കപ്പിനുളള അര്‍ഹതയേ പാകിസ്ഥാനുള്ളൂ; മരണമാസ് പരസ്യവുമായി ഇന്ത്യയുടെ മറുപടി

ന്യൂ ഡല്‍ഹി: ലോകകപ്പില്‍ നാളെ നടക്കാനിരിക്കുന്ന ഇന്ത്യ-പാകിസ്ഥാന്‍ പോരാട്ടത്തിനു മുന്നോടിയായി കഴിഞ്ഞ ദിവസം പാകിസ്ഥാന്‍ ഇറക്കിയ പരസ്യം ഇന്ത്യയുടെ വൈമാനികനായ അഭിനന്ദന്‍ വര്‍ദ്ധമാനെ പരിഹസിച്ചുകൊണ്ടുള്ളതായിരുന്നു. എന്നാല്‍ ഇതിനു ശക്തമായ മറുപടി നല്‍കിയിരിക്കുകയാണ് ഇന്ത്യ. ‘മോക്കാ മോക്കാ’ പരസ്യത്തിലൂടെയാണ് ഇന്ത്യ പാകിസ്ഥാനു മറുപടി നല്‍കിയിരിക്കുന്നത്.

പാകിസ്ഥാന്റെ പോര്‍വിമാനങ്ങളെ തുരത്തുന്നതിനിടയില്‍ പാക് സൈന്യത്തിന്റെ പിടിയിലായ ഇന്ത്യയുടെ വിംഗ് കമാന്‍ഡര്‍ അഭിനന്ദന്‍ വര്‍ദ്ധമാനെ പരിഹസിക്കുന്ന തരത്തില്‍ പുറത്തിറക്കിയ പരസ്യത്തിനൊടുവില്‍ പാകിസ്ഥാന്‍ അഭിനന്ദന്റെ കയ്യില്‍ നിന്നും ചായക്കപ്പ് തിരികെ വാങ്ങുന്നതു കാണാമായിരുന്നു. ‘ലോകകപ്പ് തിരികെ പിടിക്കും’ എന്നാണ് ഇതിലൂടെ പാകിസ്ഥാന്‍ വ്യക്തമാക്കിയിരുന്നത്. എന്നാല്‍ ലോകകപ്പിനല്ല, പകരം അഭിനന്ദന്റെ ചായക്കപ്പ് വാങ്ങാനുള്ള യോഗ്യത മാത്രമേ പാകിസ്ഥാനുള്ളു എന്നതായിരുന്നു ഇന്ത്യയുടെ മറുപടി പരസ്യം.

പരസ്യത്തില്‍ ഇന്ത്യയെ അച്ഛനായും പാകിസ്ഥാനെ മകനായുമാണ് അവതരിപ്പിച്ചിരിക്കുന്നത്. ‘ഫാദേഴ്‌സ് ഡേ’യില്‍ മകന്‍ അച്ഛനു നല്‍കുന്ന സമ്മാനപ്പൊതിയില്‍ വെളുത്ത ഒരു തൂവാല മാത്രമാണ് ഉണ്ടായിരുന്നത്. എന്നാല്‍ ഇത് ഇന്ത്യ തോല്‍ക്കുമ്പോള്‍ മുഖം മറക്കാം എന്ന് പാകിസ്ഥാന്‍ ആരാധകന്‍ പരിഹസിക്കുന്നു. തുടര്‍ന്ന് തനിക്ക് ഷാഹിദ് അഫ്രിദിയുടേതു പോലെ ഷേവ് ചെയ്യണമെന്ന് ഇയാള്‍ ബാര്‍ബറോട് ആവശ്യപ്പെടുന്നു. എന്നാല്‍ ബാര്‍ബര്‍ ഇയാളുടെ മുഖത്ത് ചെയ്തത് അഭിനന്ദന്‍ സ്റ്റൈല്‍ മീശയാണ്.

തുടര്‍ന്ന് തന്റെ സുഹൃത്തുക്കള്‍ പുറത്തു കാത്തു നില്‍ക്കുകയാണെന്നും ഇനി അവരുടെ മുഖത്ത് എങ്ങനെ നോക്കുമെന്നും ഇയാള്‍ ചോദിക്കുമ്പോള്‍ വെളുത്ത കര്‍ച്ചീഫ് തിരികെ നല്‍കുന്ന ഇന്ത്യന്‍ ആരാധകന്‍ മുഖം മറക്കാന്‍ ഇത് ഉപയോഗിക്കാമെന്നു തിരിച്ചടിക്കുന്നു. ഇന്ത്യന്‍ യൂട്യൂബ് ചാനലായ വി സെവന്‍ പിക്‌ചേഴ്‌സാണ് മറുപടി പരസ്യം ഒരുക്കിയിരിക്കുന്നത്.

 

6K Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close