Sports

ലോകകപ്പില്‍ നിര്‍ഭാഗ്യം വിട്ടൊഴിയാതെ ദക്ഷിണാഫ്രിക്ക; സെമി ഫൈനല്‍ കാണാതെ പുറത്ത്

ലണ്ടന്‍: ലോകകപ്പില്‍ ദക്ഷിണാഫ്രിക്കന്‍ പ്രതീക്ഷകള്‍ അസ്തമിച്ചു. പാകിസ്ഥാനോട് 49 റണ്‍സിന്റെ തോല്‍വി വഴങ്ങിയതോടെ ദക്ഷിണാഫ്രിക്ക സെമി ഫൈനല്‍ കാണാതെ പുറത്തായി.

നേരത്തെ, ടോസ് നേടിയ പാകിസ്ഥാന്‍ ബാറ്റിംഗ് തെരഞ്ഞെടുക്കുകയായിരുന്നു. നിശ്ചിത 50 ഓവറില്‍ 7 വിക്കറ്റ് നഷ്ടത്തില്‍ പാകിസ്ഥാന്‍ 308 റണ്‍സെടുത്തു. ഓപ്പണര്‍മാരായ ഇമാം ഉള്‍ ഹഖും ഫഖര്‍ സല്‍മാനും 44 റണ്‍സ് വീതം നേടി. മൂന്നാമനായെത്തിയ ബാബര്‍ അസം 69 റണ്‍സ് നേടി. 59 പന്തില്‍ 9 ബൗണ്ടറികളും 3 സിക്‌സറുകളും സഹിതം 89 റണ്‍സ് നേടിയ ഹാരിസ് സൊഹൈലാണ് പാകിസ്ഥാന്റെ ടോപ് സ്‌കോറര്‍.

ദക്ഷിണാഫ്രിക്കക്കു വേണ്ടി ലുന്‍ഗി എന്‍ഗിഡി 3 വിക്കറ്റ് നേടി. ഇമ്രാന്‍ താഹിര്‍ രണ്ടും എയ്‌ഡെന്‍ മര്‍ക്രം, ആന്‍ഡില്‍ പെലൂക്‌വായോ എന്നിവര്‍ ഓരോ വിക്കറ്റ് വീതം വീഴ്ത്തി.

മറുപടി ബാറ്റിംഗില്‍ ദക്ഷിണാഫ്രിക്കക്ക് ഹാഷിം അംല (2) യുടെ വിക്കറ്റ് തുടക്കത്തിലേ നഷ്ടമായി. ക്വിന്റന്‍ ഡീകോക് 63 റണ്‍സ് നേടി. ഡീകോക്കാണ് ദക്ഷിണാഫ്രിക്കയുടെ ടോപ് സ്‌കോറര്‍. പെലൂക്‌വായോ 46 റണ്‍സും വാന്‍ഡെര്‍ ഡസന്‍ 36 റണ്‍സും നേടി. നിശ്ചിത 50 ഓവറില്‍ ദക്ഷിണാഫ്രിക്കക്ക് 9 വിക്കറ്റ് നഷ്ടത്തില്‍ 259 റണ്‍സ് നേടാനേ കഴിഞ്ഞുള്ളൂ.

പാകിസ്ഥാനു വേണ്ടി വഹാബ് റിയാസും ഷദബ് ഖാനും 3 വിക്കറ്റ് വീതം സ്വന്തമാക്കി. മുഹമ്മദ് ആമിര്‍ 2 വിക്കറ്റ് നേടിയപ്പോള്‍ ഷഹീന്‍ അഫ്രീദി ഒരു വിക്കറ്റ് വീഴ്ത്തി.

259 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close