Sports

ലോകകപ്പ് സെമി: ഇന്ത്യക്ക് 240 റണ്‍സ് വിജയലക്ഷ്യം; 24 റണ്‍സിനിടെ കോഹ്‌ലിയും രോഹിതും രാഹുലും കാര്‍ത്തിക്കും പുറത്ത്

മാഞ്ചസ്റ്റര്‍: ലോകകപ്പ് സെമിഫൈനലില്‍ ന്യൂസിലന്‍ഡിനെതിരെ ഇന്ത്യ പതറുന്നു. 240 റണ്‍സ് വിജയലക്ഷ്യം പിന്തുടരുന്ന ഇന്ത്യക്ക് 24 റണ്‍സ് നേടുന്നതിനിടെ 4 മുന്‍ നിര വിക്കറ്റുകള്‍ നഷ്ടമായി. ഓപ്പണര്‍മാരായ രോഹിതും രാഹുലും നായകന്‍ വിരാട് കോഹ്‌ലിയും ഓരോ റണ്‍സ് വീതമെടുത്താണ് പുറത്തായത്. ദിനേഷ് കാര്‍ത്തിക്ക്‌ 6 റണ്‍സ് നേടി.

ആദ്യം ബാറ്റ് ചെയ്ത ന്യൂസിലന്‍ഡ് നിശ്ചിത 50 ഓവറില്‍ 8 വിക്കറ്റ് നഷ്ടത്തിലാണ് 239 റണ്‍സ് നേടിയത്.

ഇന്നലെ മഴ കാരണം ഇന്നലെ നിര്‍ത്തിവെച്ച മത്സരം റിസര്‍വ് ദിനമായ ഇന്നത്തേക്ക് മാറ്റുകയായിരുന്നു. 46.1 ഓവറില്‍ 5 വിക്കറ്റ് നഷ്ടത്തില്‍ 211 റണ്‍സ് എന്ന നിലയിലാണ് കീവീസ് ഇന്ന് മത്സരം പുനരാരംഭിച്ചത്. 74 റണ്‍സ് നേടിയ റോസ് ടെയ്‌ലറാണ് ന്യൂസിലന്‍ഡിന്റെ ടോപ് സ്‌കോറര്‍.

തുടക്കത്തിലെ തകര്‍ച്ചക്ക് ശേഷം നായകന്‍ കെയ്ന്‍ വില്യംസണിന്റെയും റോസ് ടെയ്‌ലറിന്റെയും അര്‍ദ്ധ സെഞ്ച്വറി പ്രകടനമാണ് കിവീസ് സ്‌കോര്‍ 200 കടത്തിയത്.

ഇന്ത്യക്ക് വേണ്ടി ഭുവനേശ്വര്‍ കുമാര്‍ മൂന്നും ബൂമ്ര, ഹര്‍ദ്ദിക് പാണ്ഡ്യ, യൂസ് വേന്ദ്ര ചാഹല്‍, രവീന്ദ്ര ജഡേജ എന്നിവര്‍ ഓരോ വിക്കറ്റ് വീതവും വീഴ്ത്തി.

256 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close