NewsWorldSports

ഫെഡറര്‍-നദാല്‍ പോരാട്ടം നാളെ, വനിതകളില്‍ സെറീന വീണ്ടും സെമിയില്‍.

ലണ്ടന്‍: വിംബിള്‍ഡണ്‍ പുരുഷവിഭാഗം ക്വാര്‍ട്ടറില്‍ അട്ടിമറികളൊന്നും സംഭവിച്ചില്ല. നിലവിലെ ചാമ്പ്യന്‍ നോവാക് ജോക്കോവിച്ചും, മുന്‍ ചാമ്പ്യന്മാരായ ഫെഡററും, നദാലും സെമിയില്‍ കടന്നു. പുതുയായി സെമിയില്‍ സ്‌പെയിനിന്റെ അഗറ്റ് മാത്രം.

ആദ്യ ക്വാര്‍ട്ടറില്‍ റാഫേല്‍ നദാല്‍ 7-6, 6-2,6-2 ന് അമേരിക്കയുടെ സാം ക്വറിയെ മറികന്നപ്പോള്‍ രണ്ടാം ക്വാര്‍ട്ടറില്‍ ആദ്യ സെറ്റ് കൈവിട്ട ഫെഡറര്‍ 4-6, 6-1,6-4,6-4 ന് ജപ്പാന്റെ നിഷിക്കോരിയെ തോല്‍പ്പിച്ചു. മികച്ച ഫോമില്‍ തന്നെ കിരീടം നിലനിര്‍ത്തുമെന്ന സൂചനയോടെയാണ് ജോക്കോവിച്ച് 6-4,6-0,6-2ന് ഗോഫിനെ അനായാസം മറികടന്നത്. നാലാം ക്വാര്‍ട്ടറില്‍ പുതുമുഖങ്ങളായ അര്‍ജ്ജന്റീനയുടെ പെല്ലയും സ്‌പെയിനിന്റെ ബൗറ്റീസ്റ്റ അഗറ്റും നടത്തിയ നാല് സെറ്റ് നീണ്ടപോരാട്ട ഏതാണ്ട് തുല്ല്യശക്തികളുടേതായിരുന്നു. നാല്‌സെറ്റ് നീണ്ട കളിയില്‍ 7-5, 6-4, 3-6, 6-3ന് അഗറ്റ് പെല്ലയെ തോല്പിച്ചു.

നാളെ നടക്കുന്ന ആദ്യ സെമിയില്‍ ജോക്കോവിച്ച് അഗറ്റിനേയും സ്വപ്‌നതുല്യപോരാട്ടത്തിനൊരുങ്ങുന്ന രണ്ടാം സെമിയില്‍ 8 തവണ ചാമ്പ്യനായ ഫെഡററും,രണ്ടു തവണ ചാമ്പ്യനായ റാഫേല്‍ നദാലും ഏറ്റുമുട്ടും.

വനിതകളുടെ പോരാട്ടത്തില്‍ 7 തവണ ചാമ്പ്യനായ സൂപ്പര്‍താരം അമേരിക്കയുടെ സെറീന വില്യംസ് സെമിയില്‍ ചെക്ക് റിപ്പബ്ലിക്കിന്റെ സീഡ് ചെയ്യപ്പെടാത്ത ബാര്‍ബോറ സ്ട്രീക്കോവയെ നേരിടും. 10 തവണയാണ് സെറീന ഫൈനലില്‍ കളിച്ചിട്ടുള്ളത്. രണ്ടാം സെമിയില്‍ ഉക്രയിനിന്റെ വിറ്റോലിനയും മുന്‍ ഫ്രെഞ്ച് ഓപ്പണ്‍ ചാമ്പ്യന്‍ റൊമേനിയയുടെ ഹാലെപ്പും ഏറ്റുമുട്ടും.

79 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close