കുറഞ്ഞ നിരക്കില് ഉപയോക്താക്കള്ക്ക് സേവനം ലഭ്യമാക്കാനൊരുങ്ങി നെറ്റ്ഫ്ലിക്സ് . മൊബൈല് സ്ക്രീന് പ്രതിമാസ പ്ലാനുകള് 250രൂപ മുതല് ലഭ്യമാക്കുമെന്നാണ് റിപ്പോര്ട്ടുകള്. ഇന്ത്യയില് നെറ്റ്ഫ്ലിക്സ്നിന്റെ
ഉപയോക്താക്കളുടെ എണ്ണം വര്ദ്ധിപ്പിക്കാനാണ് പുതിയ ഓഫറുമായി കമ്പനി രംഗത്തു വന്നിരിക്കുന്നത്. മറ്റു രാജ്യങ്ങളിലെ വിപണികളില് കൊണ്ടു വന്നതിനു സമാനമായ പ്ലാനുകള് ഇന്ത്യന് വിപണിയിലും പരീക്ഷിക്കുമെന്ന് നേരത്തെ നെറ്റ്ഫ്ലിക്സ് കമ്പനി വ്യക്തമാക്കിയിരുന്നു. ഈ വര്ഷം ആദ്യം തെരഞ്ഞെടുക്കപ്പെട്ട ഉപയോക്താക്കള്ക്കായി 65 രൂപ മുതലുള്ള പ്രതിവാര മെബൈല് പ്ലാനുകളും നെറ്റ്ഫ്ലിക്സ് പുറത്തിറക്കിയിരുന്നു.
ഹോട്ട് സ്റ്റാര്,ആമസോണ് പ്രൈം വീഡിയോ എന്നിവ കുറഞ്ഞ നിരക്കില് ഓഫറുകള് നല്കുന്നത് നെറ്റ്ഫ്ലിക്സ് ഉപയോഗത്തില് കുറവുണ്ടാക്കിയിരുന്നു. ഇതെ തുടര്ന്നതാണ് കുറഞ്ഞ നിരക്കില് സേവനം ലഭ്യമാക്കി കൊണ്ടുള്ള പ്ലാനുകള് നെറ്റ്ഫ്ലിക്സ്നില് കൊണ്ടുവരുന്നത്.
നിലവില് 500രൂപ മുതലാണ് നെറ്റ്ഫ്ലിക്സ് പ്ലാനുകള് ആരംഭിക്കുന്നത്. 800രൂപ വരെ പ്രീമീയം സര്വ്വീസുകള്ക്ക് ഓരോ മാസവും ഈടാക്കുന്നുണ്ട്. എന്നാല് 999 രൂപയ്ക്ക് ഒരുവര്ഷത്തേക്ക് ഹോട്ട് സ്റ്റാര് പ്രീമിയം സബ്സ്ക്രിപ്ഷന്, ആമസോണ് പ്രൈം വീഡിയോ,സീ5 എന്നിവ ലഭ്യമാണ്. 499 രൂപയാണ് സോണിലൈവ് ഒരു വര്ഷത്തേക്ക് ഈടാക്കുന്നത്.