കുല്ഗാം: ജമ്മുകശ്മീരിലെ കുല്ഗാം ജില്ലയില് ഹിസ്ബുള് ഭീകരനെ സൈന്യം പിടിച്ചു. കൊടുംഭീകരന്മാരുടെ പട്ടികയിലുള്ള ഷാക്കില് അലിയാണ് പിടിയിലായത്. നിഹാമ മേഖലയിലെ ചെക്പോസ്റ്റിനടുത്തുവച്ചാണ് സൈന്യം ഇയാളെ പിടിച്ചത്. കുല്ഗാമിലെ ധമാം ഹാന്ജിപോരാ മേഖലയിലെ താമസക്കാരന് കൂടിയാണ് അലിയെന്ന് സൈന്യം അറിയിച്ചു.
വിവിധതരം ആയുധങ്ങളും മറ്റ് ഉപകരണങ്ങളും ഇയാളില് നിന്നും കണ്ടെത്തിയതായി സൈന്യം അറിയിച്ചു. 2018മുതല് ഭീകരന്മാരുടെ പട്ടികയില് ഇടം നേടിയ അലിക്കെതിരെ പലപ്പോഴും തെളിവുകള് കിട്ടാതിരുന്നതാണ് ഇത്രയും നാളായി പിടിക്കാന് തടസ്സമായതെന്നും സൈനിക വക്താവ് അറിയിച്ചു. പാക് അധിനിവേശ കശ്മീര് മേഖലകളെ ബന്ധപ്പെടുത്തിയുള്ള നുഴഞ്ഞുകയറ്റം അടക്കം നിലവില് ശ്രദ്ധിക്കുന്നവരില് പ്രധാനിയാണ് അലിയെന്നും സൈന്യം സൂചിപ്പിച്ചു. ഭീകരന്മാരുടെ നേതാക്കന്മാരുടെ കൂട്ടത്തിലേക്ക് സ്ഥാനക്കയറ്റം കിട്ടിയ ശേഷം കഴിഞ്ഞ 14-ാം തീയതി മുതല് ഇയാള് ഒളിവിലായിരുന്നുവെന്നും സൈന്യം വ്യക്തമാക്കി.
