മുംബൈ: ബോളിവുഡിലും അന്താരാഷ്ട്രതലത്തിലും ശ്രദ്ധേയനായ നടന് ഇര്ഫാന് ഖാന് മുംബൈ പോലീസ് ആദരാഞ്ജലികളര്പ്പിച്ചു. ഔദ്യോഗിക ട്വിറ്റർ സന്ദേശത്തിലൂടെയാണ് മുംബൈ പൊലീസ് ആദരാഞ്ജലി അർപ്പിച്ചത്. ജീവിതമെന്ന നാടകത്തിന്റെ അവസാന മുഹൂര്ത്തത്തില് പ്രീയപ്പെട്ടവരോട് യാത്രാ മൊഴി നല്കാതെ മടങ്ങിയതിലെ പരിഭവം വിവരിക്കുന്ന വരികളോടെയാണ് മുംബൈ പോലീസിന്റെ ട്വിറ്റര് സന്ദേശം അവസാനി ക്കുന്നത്. ഇന്നലെയാണ് കോകിലാബെന് ധീരുഭായ് അംബാനി ആശുപത്രിയില് ക്യാന്സര് ബാധിതനായി ഇര്ഫാന്ഖാന് അന്തരിച്ചത്.
‘ ജീവിതമെന്നത് ഒരു അഭിനയം ആയിരിക്കാം. അതിനാലത് തുടര്ന്നുകൊണ്ടേയിരിക്കും. എന്നാല് അവസാന രംഗത്തെങ്കിലും ഒരു യാത്രാമൊഴിക്കുള്ള അവസരം നല്കിയില്ലെന്നത് ഏറെ വേദനിപ്പിക്കുന്നു’ മുംബൈ പോലീസ് ട്വിറ്റര് സന്ദേശത്തിലൂടെ അതുല്യപ്രതിഭയെ പ്രണമിച്ചു. ഇര്ഫാന് അഭിനയിച്ച് ലോകശ്രദ്ധ നേടിയ ലൈഫ് ഓഫ് പൈ എന്ന ചിത്രത്തിലെ വാചകങ്ങളാണ് മുംബൈ പോലീസ് സന്ദേശത്തില് കുറിച്ചതെന്നതും ശ്രദ്ധേയമായി. ട്വിറ്ററിനായി ഉപയോഗിച്ച ചിത്രത്തിലും ‘ഗുരു താങ്കളെ എന്നും ഞങ്ങളോര്ക്കും’ എന്ന വാക്കുകള് എഴുതിച്ചേര്ത്തിരുന്നു.
“I suppose in the end, the whole of life becomes an act of letting go, but what always hurts the most is not taking a moment to say goodbye.”
Goodbye Irrfan Khan. You can never be forgotten either. #RIPIrrfanKhan pic.twitter.com/CGufs9nO73
— Mumbai Police (@MumbaiPolice) April 29, 2020
ഇന്ത്യന് ചലച്ചിത്രരംഗത്ത് കഴിഞ്ഞ ഒരു ദശകത്തിലെ ഏറ്റവും മികച്ച അഭിനയ മുഹൂര്ത്തങ്ങള് സമ്മാനിച്ച നടന്. ജീവിതഗന്ധിയായ കഥാപാത്രങ്ങളെ മാത്രം തെരഞ്ഞെടുക്കുന്നതില് കണിശക്കാരനായിരുന്ന സിനിമാപ്രവര്ത്തകന്. ഹോളിവുഡിലും എണ്ണം പറഞ്ഞ സിനിമകളിലൂടെ തന്റെ സാന്നിദ്ധ്യമറിയിച്ച അഭിനേതാവ്. ഇര്ഫാന് ഖാന്റെ പ്രത്യേകതകള് എണ്ണിപ്പറഞ്ഞാണ് സിനിമാലോകം ആ അതുല്യപ്രതിഭയുടെ അകാലചരമത്തെ വിശേഷിപ്പിക്കുന്നത്.