മെല്ബണ്: ക്രിക്കറ്റ് ഓസ്ട്രേലിയയുടെ മുന്നായകന് മൈക്കിള് ക്ലാര്ക്കിന് ഓസ്ട്രേലിയ ബഹുമതി പ്രഖ്യാപിച്ചു. 2020ലെ ക്വീന്സ് ബഹുമതിയാണ് രാജ്യത്തിനായി കളിച്ച ക്രിക്കറ്റ് താരങ്ങള്ക്ക് നല്കാന് തീരുമാനിച്ചത്. മുന് നായകനും ബാറ്റ്സ്മാനുമായ മൈക്കിള് ക്ലാര്ക്കിനാണ് ‘ ഓഫീസര് ഇന് ദ ജനറല് ഡിവിഷന് ഏഫ് ദ ഓര്ഡര് ഓഫ് ഓസ്ട്രേലിയ ‘ എന്ന് പുരസ്ക്കാരം നല്കുന്നത്. രാജ്യത്തിനായി അന്താരാഷ്ട്ര തലത്തില് ഒരു താരമെന്ന നിലയിലും ക്രിക്കറ്റിന്റെ പ്രതിനിധി എന്ന നിലയിലും നടത്തിയ സേവനത്തിനാണ് അംഗീകാരം.
ക്ലാര്ക്ക് ദേശീയ ടീമിനായി 115 ടെസ്റ്റുകളാണ് കളിച്ചത്. ഇതില് 47 എണ്ണത്തില് നായകനായിരുന്നു. ഓസ്ട്രേലിയയുടെ ക്രിക്കറ്റ് ചരിത്രത്തില് ടെസ്റ്റ് മത്സരങ്ങളില് രാജ്യത്തെ നയിച്ച 6-ാംമത്തെ നായകനാണ് ക്ലാര്ക്ക്. ലോകക്രിക്കറ്റില് ടെസ്റ്റ് ബാറ്റ്സ്മാന്മാരില് ഒന്നാം സ്ഥാനത്തുണ്ടായിരുന്ന ക്ലാര്ക്ക് ഏറ്റവും അധികം റണ്സ് നേടുന്ന ഓസ്ട്രേലിയന് ക്രിക്കറ്റ്താരങ്ങളില് നാലാമനാണ്. ഇംഗ്ലണ്ടിനെതിരെ 2013-14 ലെ പരമ്പര 5-0ന് തൂത്തുവാരിയത് ക്ലാര്ക്കിന്റെ നേതൃത്വത്തിലാണ് 2015ലെ ലോകകപ്പ് കിരീടവും ഓസ്ട്രേലിയ നേടിയത്. പ്രാദേശിക ക്ലബ്ബില് നിന്നും ട്രിപ്പിള് സെഞ്ച്വറിയും ഇരട്ട സെഞ്ച്വറിയും ഒരേ സീസണില് നേടിയതാണ് ക്ലാര്ക്കിന് ദേശീയ ടീമിലേക്കുള്ള വാതില് തുറന്നത്.
