മുംബൈ: നിലയ്ക്കാതെ പെയ്യുന്ന മഴയില് വീര്പ്പുമുട്ടി മുംബൈ നഗരം. ഇന്നലെ രാത്രി മുതല് നിര്ത്താതെ പെയ്യുന്ന മഴയിലാണ് മുംബൈ നഗരത്തിലെ വിവിധ ഭാഗങ്ങള് വെള്ള ത്തിലായത്. മഹാനഗരത്തിന്റെ എട്ടു മേഖലകളിലാണ് കനത്ത വെള്ളക്കെട്ട് രൂപപ്പെട്ടിരിക്കുന്നത്. മണ്സൂണ് സീസണില് കഴിഞ്ഞ വര്ഷവും ഇതേ അവസ്ഥയാണ് മുംബൈ നഗരം അഭിമുഖീകരിച്ചത്. കൊറോണ വ്യാപനത്തിന്റെ പശ്ചാത്തലത്തില് മഴ കനത്തത് വിവിധ വകുപ്പുകളെ ഏകോപിപ്പിക്കുന്നതിനും തടസ്സമായിരിക്കുകയാണ്.
മുംബൈ നഗരത്തിന്റെ ഭാഗമായ ബുലാബായി ദേശായി റോഡ്, ബിന്ദു മാധവ് ജംഗ്ഷന്, വര്ളി നാകാ, ഹിന്ദ് മാതാ ജംഗ്ഷന്, ധോബീ ഘാട്ട് കഫ് പരേഡ്, ചിരാബസാര്, സി.പി.ഓഫീസ്, ബൈക്കുലാ പോലീസ് സ്റ്റേഷന് എന്നീ പ്രദേശങ്ങള് വെള്ളത്തിലായി. ഈ പ്രദേശത്തെ സബ് വേ കളെല്ലാം വെള്ളം കയറിയതിനാല് അടച്ചതായി മുംബൈ കോര്പ്പറേഷന് അധികൃതര് അറിയിച്ചു.
കഴിഞ്ഞ രാത്രി മുതല് ആരംഭിച്ച തോരാമഴ 12 മണിക്കൂറായി തുടര്ച്ചയായി പെയ്തതാണ് വെള്ളം ഉയരാന് കാരണം. 54മില്ലീമീറ്ററെന്ന നിലയിലാണ് മഴയുടെ തോത് കാലാവസ്ഥാ നിരീക്ഷണ കേന്ദ്രം രേഖപ്പെടുത്തിയിരിക്കുന്നത്. 35ന് മുകളില് വരുന്ന മഴയുടെ തോതിനെയാണ് കനത്തമഴയായി കണക്കാക്കുന്നത്.
