തിരുവനന്തപുരം : കൊറോണ വൈറസ് വ്യാപനത്തെ തുടര്ന്ന് ജില്ലയില് ഏര്പ്പെടുത്തിയ ലോക്ക് ഡൗണ് നീട്ടി. കൊറോണ രോഗികളുടെ എണ്ണം വര്ദ്ധിക്കുന്ന സാഹചര്യത്തില് ഒരാഴ്ചത്തേക്കാണ് ലോക് ഡൗണ് നീട്ടിയത്. തിരുവനന്തപുരത്ത് ലോക് ഡൗണ് നീട്ടിയ വിവരം വാര്ത്താ സമ്മേളനത്തില് മുഖ്യമന്ത്രി പിണറായി വിജയനാണ് അറിയിച്ചത്.
അതിവ്യാപന മേഖലകളില് മാത്രമായിരിക്കും ട്രിപ്പിള് ലോക് ഡൗണ് ഉണ്ടായിരിക്കുക. നഗരസഭയിലും ലോക് ഡൗണ് തുടരുമെന്നും മുഖ്യമന്ത്രി അറിയിച്ചു. കൊറോണയുടെ പശ്ചാത്തലത്തില് ജൂലൈ ആറിനാണ് നഗരസഭയില് ലോക് ഡൗണ് ഏര്പ്പെടുത്തിയത്.
അതേസമയം തിരുവനന്തപുരത്ത് സ്ഥിതിഗതികള് ഗുരുതരമാകുന്ന സാഹചര്യമാണ് നിലവില് ഉള്ളത്. ഇന്ന് മാത്രം 129 പേര്ക്കാണ് തിരുവനന്തപുരത്ത് കൊറോണ സ്ഥിരീകരിച്ചത്. സംസ്ഥാനത്ത് ആദ്യമായാണ് ഒരു ദിവസം തന്നെ ഇത്രയും അധികം പേര്ക്ക് കൊറോണ സ്ഥിരീകരിക്കുന്നത്. ഇതില് 105 പേര്ക്കും രോഗം പകര്ന്നത് സമ്പര്ക്കം വഴിയാണ് എന്നത് ഗൗരവതരമാണ്.
തിരുവനന്തപുരത്ത് മാര്ച്ച് 11 നാണ് ആദ്യ കേസ് റിപ്പോര്ട്ട് ചെയ്യുന്നത്. ജില്ലയില് ഇതുവരെ 481 പേര്ക്ക് രോഗം സ്ഥിരീകരിച്ചതായാണ് കണക്കുകള്. ഇതില് പകുതിയിലധികം പേര്ക്കും രോഗം ബാധിച്ചത് സമ്പര്ക്കത്തിലൂടെയാണ്. 266 പേര്ക്ക് സമ്പര്ക്കം വഴി രോഗം ബാധിച്ചെന്നാണ് അധികൃതര് വ്യക്തമാക്കുന്നത്.