ഫ്രാന്‍സ് ദേശീയ ദിനം ആഘോഷിച്ചു: ആശംസകള്‍ നേര്‍ന്ന് ഇന്ത്യന്‍ പ്രധാനമന്ത്രി

പാരീസ്: ഫ്രാന്‍സിന്റെ ദേശീയ ദിന ആഘോഷത്തില്‍ പ്രധാനമന്ത്രി നരേന്ദ്രമോദി ആശംസകള്‍ നേര്‍ന്നു. ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിന്റെ പേര് എടുത്ത് പരാമര്‍ശിച്ചുകൊണ്ടാണ് നരേന്ദ്രമോദിയുടെ ട്വീറ്റ്. ഇന്ത്യ ഫ്രാന്‍സുമായി എല്ലാ തന്ത്ര പ്രധാന മേഖലയിലും പങ്കാളിത്തം തുടരുമെന്നും എല്ലാ മേഖലയിലെ സഹകരണവും വര്‍ധിപ്പിക്കുമെന്നും പ്രധാനമന്ത്രി സന്ദേശത്തില്‍ വ്യക്തമാക്കി.

‘തന്റെ ഏറ്റവും പ്രീയപ്പെട്ട സുഹൃത്തായ ഇമ്മാനുവര്‍ മാക്രോണിന് ഫ്രാന്‍സിന്റെ ബാസ്റ്റില്‍ ഡേ ദിനത്തില്‍ എല്ലാ ആശംസകളും നേരുന്നു. ഫ്രാന്‍സുമായുള്ള സുപ്രധാനമായ എല്ലാ സാങ്കേതിക രംഗത്തുമുള്ള സഹകരണം ശക്തമാക്കുകയും വികസിപ്പിക്കാനും ഇന്ത്യ പ്രതിജ്ഞാബദ്ധമാണ്’ നരേന്ദ്രമോദി ട്വിറ്ററില്‍ കുറിച്ചു.

Felicitations to my dear friend @EmmanuelMacron and the friendly people of France on the occasion of Bastille Day! We are committed to further strengthening India's important strategic partnership with France, and expanding our cooperation.

— Narendra Modi (@narendramodi) July 14, 2020

ജൂലൈ 14-ാംതീയതിയാണ് ഫ്രാന്‍സ് ദേശീയ ദിനമായി ആഘോഷിക്കുന്നത്. 1919ലെ ഫ്രഞ്ച് വിപ്ലവമാണ് ഫ്രാന്‍സിന്റെ ശക്തമായ മാറ്റത്തിന് കാരണമായത്. ബാസ്റ്റില്‍ ഡേ എന്നാണ് ഫ്രഞ്ച് ദേശീയ ദിനം അറിയപ്പെടുന്നത്.

പാരീസിന്റെ പ്രധാനപാതയില്‍ വലിയ ആഘോഷങ്ങളും സൈനിക പരേഡുകളും നടന്നു. കൊറോണ കാരണം അതിവിപുലമായ പരിപാടികള്‍ വെട്ടിക്കുറച്ചിരുന്നു. ചടങ്ങില്‍ സംസാരിച്ച പ്രസിഡന്റ് മാക്രോണ്‍ രാജ്യത്തെ കൊറോണയ്‌ക്കെതിരെ പോരാടുന്ന ആരോഗ്യ പ്രവര്‍ത്തകരെ ആദരിച്ചു.