ക്വാലാലംപൂര്: ഈ വര്ഷത്തെ എ എഫ് സി കപ്പ് റദ്ദാക്കി. ഏഷ്യന് ഫുട്ബോള് കോണ്ഫെഡറേഷന്നാണ് ഇക്കാര്യം അറിയിച്ചത്. കൊറോണ വൈറസ് വ്യാപനത്തെ തുടര്ന്നാണ് എ എഫ് സി കപ്പ് റദ്ദാക്കിയത്.
ഏഷ്യയിലെ രണ്ടാംനിര ക്ലബ് പോരാട്ടമാണ് എഎഫ്സി കപ്പ്. മാര്ച്ചില് നടക്കേണ്ടിയിരുന്ന ടൂര്ണമെന്റ് കൊറോണ രോഗവ്യാപനത്തെ തുടര്ന്ന് സെപ്തംബറിലേക്ക് മാറ്റിവെയ്ക്കുകയായിരുന്നു. രോഗവ്യാപനം വര്ധിക്കുന്ന സാഹചര്യത്തിലാണ് ടൂര്ണമെന്റ് റദ്ദാക്കാന് ഏഷ്യന് ഫുട്ബോള് കോണ്ഫെഡറേഷന് തീരുമാനിച്ചത്.
ഏഷ്യയിലെ പ്രധാന ഫുട്ബോള് പോരാട്ടമായ എ എഫ് സി ചാമ്പ്യന്സ് ലീഗും കൊറോണ വൈറസ് വ്യാപനത്തെ തുടര്ന്ന് മാറ്റിവെച്ചിരുന്നു. ഇത് സെപ്തംബര് 14 ന് ഖത്തറില് വെച്ച് നടക്കും.
