ലണ്ടന്: രണ്ടാഴ്ചത്തെ ഇടവേളയ്ക്ക് ശേഷം പ്രീമിയര് ലീഗ് കളിക്കളം ഇന്നുമുതല് സജീവമാകുന്നു. അഞ്ചു പ്രധാന ടീമുകള് ഇന്ന് മത്സരിക്കാനിറങ്ങുകയാണ്. നിലവിലെ ചാമ്പ്യന്മാരായ ലിവര്പൂളും ചെല്സിയും മാഞ്ചസ്റ്റര് സിറ്റിയും ആഴ്സണലും മാഞ്ചസ്റ്റര് യുണൈറ്റഡും ഇന്ന് കളിക്കാനിറങ്ങും.
ലിവര്പൂള് എവര്ട്ടണിനെതിരേയും ചെല്സി സതാംപടണിനെതിരേയും ആദ്യ രണ്ടു മത്സരങ്ങളില് മാറ്റുരയ്ക്കും. മൂന്നും നാലും മത്സരങ്ങളില് മാഞ്ചസ്റ്റര് സിറ്റി കരുത്തരായ ആഴ്സണലിനെതിരേയും മാഞ്ചസ്റ്റര് യുണൈറ്റഡ് ന്യൂകാസിലിനെതിരെയും കളത്തിലിറങ്ങും.മാഞ്ചസ്റ്റര് സിറ്റിയൊഴിച്ച് എല്ലാ ടീമുകളും അഞ്ചാം മത്സരത്തിനാണിറങ്ങുന്നത്. സിറ്റിയുടെ നാലാം മത്സരമാണ്.
