ലണ്ടന്: ഇംഗ്ലീഷ് പ്രീമിയര് ലീഗില് വൂള്വ്സിന് ജയം. വൂള്വ്സ് കരുത്തരായ ക്രിസ്റ്റല് പാലസനിനെയാണ് പരാജയപ്പെടുത്തിയത്. എതിരില്ലാത്ത രണ്ടു ഗോളുകള്ക്കാണ് വൂള്വ്സിന്റെ ജയം. കളിയുടെ ആദ്യ പകുതിയിലാണ് വൂള്വ്സ് രണ്ടു ഗോളുകളും നേടി മേധാവിത്വം തെളിയിച്ചത്.
കളിയുടെ 18-ാം മിനിറ്റില് റയാന് അത് നൂറിയാണ് വൂള്വ്സിനായി എതിരാളികളുടെ വല കുലുക്കിയത്. 27-ാം മിനിറ്റില് ഡാനിയേല് പോഡെന്സ് രണ്ടാമത്തെ ഗോളും നേടി. അവസാന നിമിഷത്തില് പരുക്കന് കളി പുറത്തെടുത്തതിന്റെ പേരില് ക്രിസറ്റലിന്റെ ലൂക്കാ മിലിവോജെസിക്കിന് ചുവപ്പുകാര്ഡും കാണേണ്ടിവന്നത് ക്രിസ്റ്റല് പാലസിന് ക്ഷീണമായി.
ലീഗില് ഏഴു മത്സരങ്ങളിലായി നാലു ജയങ്ങളോടെ വൂള്വ്സ് മൂന്നാം സ്ഥാനത്തേക്ക് ഉയര്ന്നു. മൂന്ന് തോല്വികളേറ്റുവാങ്ങിയ ക്രിസ്റ്റല് പാലസ് 9-ാം സ്ഥാനത്താണ്. ലീഗില് എവര്ട്ടണാണ് മുന്നിലുള്ളത്. നിലവിലെ ചാമ്പ്യന്മാരായ ലിവര്പൂളാണ് രണ്ടാം സ്ഥാനത്തുള്ളത്.
Comments