മിലന്: ഇറ്റാലിയന് ലീഗിലെ വെറോണയ്ക്ക് മികച്ച ജയം. ബെനവെന്റോയെ 3-1നാണ് വെറോണ തകര്ത്തത്. ആന്റോനിന് ബാരാക്കിന്റെ ഇരട്ട ഗോളുകളാണ് വെറോണയ്ക്ക് ഉശിരന് ജയം നല്കിയത്.
കളിയുടെ തുടക്കത്തില്ത്തന്നെ വെറോണ ലീഡ് നേടി. 17-ാം മിനിറ്റില് ബാരാക് തന്റെ ആദ്യ ഗോള് നേടി. രണ്ടാം പകുതിയുടെ 56-ാം മിനിറ്റില് ഗിയാന്ലൂക്കാ ലാപാഡുല ബെനാവെന്റോയ്ക്കായി സമനില പിടിച്ചു. എന്നാല് 63-ാം മിനിറ്റില് ബാരാക് തന്റെ രണ്ടാം ഗോളോടെ ടീമിനെ വീണ്ടും 2-1ന് മുന്നിലെത്തിച്ചു. 77-ാം മിനിറ്റില് ഡാര്കോ ലാസോവിച്ചിലൂടെ വെറോണ ജയം ആധികാരികമാക്കി 3-1ന് മത്സരം കൈപ്പിടിയിലാക്കി.
