ലണ്ടന്: ചാമ്പ്യന്സ് ലീഗിലെ ഗ്രൂപ്പ് പോരാട്ടങ്ങളില് സെവിയയ്ക്കും ഡോട്ട്മുണ്ടിനും ജയം. എതിരില്ലാത്ത മൂന്ന് ഗോള് ജയത്തോടെ ഗ്രൂപ്പ് എഫില് ഡോട്ട്മുണ്ടും 3-2 ജയത്തോടെ ഗ്രൂപ്പ് ഇയില് സെവിയയും മുന്നേറി.
ക്രാസ്നോദാറിനെ 3-2നാണ് സ്പാനിഷ് ക്ലബ്ബ് സെവിയ തോല്പ്പിച്ചത്. യൂസഫ് എന് നെസിറിയുടെ ഇരട്ട ഗോളുകളാണ് രക്ഷയായത്. കളിയുടെ തുടക്കത്തില് സെവിയയ് ക്കെതിരെ ലീഡ് നേടിയാണ് ക്രാസ്നോദാര് മുന്നേറിയത്. 17-ാം മിനിറ്റില് മാഗോമെഡും 21-ാം മിനിറ്റില് മാര്ക്കസ് ബെര്ഗും ക്രാസ്നോദാറിനായി 2-0ന്റെ ശക്തമായ ലീഡ് നല്കി. എന്നാല് 42-ാം മിനിറ്റില് ഇവാന് റാകിടിച്ച് സെവിയക്കായി ഗോള് നേടി ലീഡ് 1-2 ആക്കി കുറച്ചു. തുടര്ന്ന് വിജയഗോളടക്കം ഇരട്ട പ്രഹരം എതിരാളിക്ക് ഏല്പ്പിച്ചുകൊണ്ടാണ് യൂസഫ് എന് നെസിറി കളി സ്വന്തമാക്കിയത്.
ബൊറോസിയ ഡോട്ട്മുണ്ട് ക്ലബ്ബ് ബ്രൂഗിനെ എതിരില്ലാത്ത മൂന്ന് ഗോളുകള്ക്കാണ് ഗ്രൂപ്പ് എഫിലെ പോരാട്ടത്തില് തകര്ത്തത്. ഈര്ലിംഗ് ഹാലാന്റിന്റെ ഇരട്ട ഗോളുകളുടെ മികവിലാണ് ഡോട്ടമുണ്ടിന്റെ അനിഷേധ്യ ജയം. 14-ാം മിനിറ്റില് തോര്ഗാന് ഹസാര്ഡ് ആദ്യ ഗോള് നേടി. 18-ാം മിനിറ്റിലും 32-ാം മിനിറ്റിലും ഈര്ലിംഗിന്റെ വക രണ്ടും മൂന്നും ഗോളും നേടി.
Comments