ലണ്ടൻ: കരബാവോ കപ്പെന്ന ഇംഗ്ലീഷ് ഫുട്ബോൾ ലീഗ് ക്വാർട്ടർ പോരാട്ടത്തിൽ ഇന്ന് ടോട്ടനത്തിനും മാഞ്ചസ്റ്റർ യുണൈറ്റഡിനും പോരാട്ടം. ടോട്ടനം സ്റ്റോക്ക് സിറ്റിക്കെതിരേയും മാഞ്ചസ്റ്റർ യുണൈറ്റഡ് എവർട്ടണിനെതിരേയും ഇന്നിറങ്ങും.
പ്രീക്വാർട്ടറിൽ ചെൽസിയെ പെനാൽറ്റി ഷൂട്ടൗട്ടിൽ തോൽപ്പിച്ചാണ് ടോട്ടനം മുന്നേറിയത്. 5-4നാണ് ടോട്ടനം ചെൽസിയെ തോൽപ്പിച്ചത്. ആസ്റ്റൺ വില്ലയെ എതിരില്ലാത്ത ഒരു ഗോളിനാണ് പ്രീക്വാർട്ടറിൽ സ്റ്റോക് സിറ്റി മറികടന്നത്.
മാഞ്ചസ്റ്റർ യുണൈറ്റഡിന്റെ എതിരാളി എവർട്ടണാണ്. പ്രീക്വാർട്ടറിൽ ബ്രൈറ്റണിനെ എതിരില്ലാത്ത മുന്ന് ഗോളുകൾക്കാണ് മാഞ്ചസ്റ്റർ യുണൈറ്റഡ് തോൽപ്പിച്ചത്. എവർട്ടൺ പ്രീക്വാർട്ടറിൽ തോൽപ്പിച്ചത് വെസ്റ്റ്ഹാമിനെയാണ്. ഒന്നിനെതിരെ നാലുഗോളുകൾക്കാണ് എവർട്ടൺ ജയിച്ചത്.
Comments