ലണ്ടൻ: ഇംഗ്ലീഷ് പ്രീമിയർ ലീഗിൽ പ്രമുഖ ടീമുകൾക്ക് സമനിലകുരുക്ക്. ടോട്ടനത്തിനും ആഴ്‌സണലിനുമാണ് സമനില വഴങ്ങേണ്ടി വന്നത്. ടോട്ടനം ഫുൾഹാമിനെതിരേയും ആഴ്‌സണൽ ക്രിസ്റ്റൽ പാലസിനെതിരേയുമാണ് സമനിലയിൽ പിരിഞ്ഞത്.
ടോട്ടനം മത്സരത്തിന്റെ തുടക്കത്തിൽ നേടിയ മുൻതൂക്കമാണ് ഫുൾഹാം രണ്ടാം പകുതിയിൽ ഇല്ലാതാക്കിയത്. ആദ്യപകുതിയിൽ 25-ാം മിനിറ്റിൽ നായകൻ ഹാരീ കെയിനിലൂടെയാണ് ടോട്ടനം മുന്നിലെത്തിയത്. പ്രതിരോധം ശക്തമാക്കി കളിച്ച ടോട്ടനവും ഫുൾഹാമും തുല്യരീതിയിൽ പന്ത് കൈവശം വെച്ച കാഴ്ചയാണ് കണ്ടത്. രണ്ടാം പകുതിയിൽ 74-ാം മിനിറ്റിലാണ് ഫുൾഹാം ടോട്ടനത്തിനെ ഞെട്ടിച്ചത്. ഇവാൻ കാവാലീറോയാണ് ടോട്ടനത്തിന്റെ വല ചലിപ്പിച്ച് സമനില പിടിച്ചെടുത്തത്. ലീഗിൽ ടോട്ടനം ആറാം സ്ഥാനത്തും ഫുൾഹാം 18-ാം സ്ഥാനത്തുമാണ്.
രണ്ടാം മത്സരത്തിൽ ആഴ്‌സണൽ ക്രിസ്റ്റൽ പാലസ് മത്സരം പോരാട്ടം ഗോൾരഹിത സമനിലയിലാണ് പിരിഞ്ഞത്. കളിയുടെ ഭൂരിപക്ഷ സമയത്തും പന്ത് കിട്ടിയിട്ടും ആഴ്‌സണൽ താരങ്ങൾക്ക് ഗോൾ അടിക്കാനായില്ല. ആഴ്‌സണൽ 11-ാം സ്ഥാനത്തും ക്രിസറ്റൽ പാലസ് 13-ാം സ്ഥാനത്തുമാണ്.
Comments