പട്യാല: ഇന്ത്യയുടെ എക്കാലത്തേയും സ്പ്രിന്റ് താരം പി.ടി.ഉഷയുടെ റെക്കോഡ് തകർത്ത് തമിഴ്‌നാടിന്റെ ധനലക്ഷ്മി . 23 വർഷം മുമ്പ് 1998ൽ പി.ടി.ഉഷ 200 മീറ്ററിൽ ഓടിയെത്തിയ സമയമാണ് ധനലക്ഷ്മി ഇക്കുറി പഴങ്കഥയാക്കിയത്. 23.36 എന്ന മീറ്റ് റെക്കോഡാണ് ധനലക്ഷ്മി കുറിച്ചത്. 23.80 സെക്കന്റാണ് പി.ടി.ഉഷയുടെ പേരിൽ ഇതുവരെ തകരാതിരുന്നത്. 200 മീറ്ററിന്റെ സെമിഫൈനലിലാണ് ദേശീയ റെക്കോഡ് തിരുത്തിക്കുറിച്ചത്.
പഞ്ചാബിലെ പട്യാലയിൽ ഇത്തവണ നിരവധി നേട്ടങ്ങളാണ് തമിഴ്‌നാടിന്റെ അത്‌ലറ്റ് ധനലക്ഷ്മി കുറിച്ചത്. ലോകോത്തര താരം ദ്യൂതീ ചന്ദിനെ ഇത്തവണ 100 മീറ്ററിന്റെ ഹീറ്റ്‌സിൽ മറികടന്ന് ധനലക്ഷ്മി അതേ ഇനത്തിൽ സ്വർണ്ണം നേടിയി രുന്നു. ഹിമാ ദാസിനേയും ധനലക്ഷ്മി 200 മീറ്ററിൽ ഫെഡറേഷൻ കപ്പിൽ മറികട ന്നിരുന്നു. ഇതോടെ എക്കാലത്തേയും മികച്ച ഇന്ത്യൻ അത്‌ലറ്റുകളിൽ ആദ്യ പത്തിലൊരാളായി ധനലക്ഷ്മി മാറി.
