പൂനെ: ഇംഗ്ലണ്ടിനെതിരെ ഏകദിന പരമ്പരയ്‌ക്കിറങ്ങുന്ന ഇന്ത്യൻ നായകൻ വിരാട് കോഹ് ലിയെ കാത്തിരിക്കുന്നത് റെക്കോഡുകളാണ്. ടി20യിൽ തകർപ്പൻ ഫോമിലേക്കുയർന്ന കോഹ്ലി ഏകദിനത്തിൽ സെഞ്ച്വറികളുടെ നേട്ടമാണ് മറികടക്കാൻ സാദ്ധ്യതയുള്ളത്.2019ന് ശേഷം ഇതുവരെ ഏകദിനത്തിൽ സെഞ്ച്വറി നേടാത്തതും കോഹ്‌ലിക്ക് മറികടക്കാൻ ഒരവസരമാണ്. കോഹ്ലി എത്തിനിൽക്കുന്നത് ഏകദിനത്തിലെ സെഞ്ച്വറി നേട്ടക്കാരായ സച്ചിന്റേയും പോണ്ടിംഗിന്റേയും നേട്ടത്തിനരികിലാണ്.
ഇംഗ്ലണ്ടിനെതിരെ ഒരു സെഞ്ച്വറി നേടിയാൽ നായകനെന്ന നിലയിൽ ഏറ്റവും കൂടുതൽ രാജ്യന്തര സെഞ്ച്വറി നേട്ടം വിരാടിന്റെ പേരിലാകും.197 മത്സരങ്ങളിലായി 41 സെഞ്ച്വറിയാണ് ഇന്ത്യൻ താരത്തിന്റെ പേരിലുള്ളത്. 324 മത്സരങ്ങളിലായി പോണ്ടിംഗാണ് 41 സെഞ്ച്വറി മുന്നേ നേടിയത്. ഇതിനൊപ്പം ഒരു സെഞ്ച്വറി കൂടി നേടിയാൽ ഏറ്റവുമധികം രാജ്യാന്തര സെഞ്ച്വറി കളെന്ന പോണ്ടിംഗിന്റെ 71 സെഞ്ച്വറികൾക്കൊപ്പമാകും. പരമ്പരയിൽ ആദ്യ സെഞ്ച്വറി നേടിയാൽ സ്വദേശത്ത് ഏറ്റവുമധികം സെഞ്ച്വറി നേടുന്ന താരമെന്ന സച്ചിന്റെ നേട്ടത്തി നൊപ്പമെത്താം. സച്ചിൻ 20 സെഞ്ച്വറിയാണ് ഇന്ത്യയിൽ നേടിയത്.
