ലക്നൗ: ഭൂമാഫിയകാർക്കെതിരെ ശക്തമായ നീക്കവുമായി യോഗി സർക്കാർ. അന്താരാഷ്ട്ര കുറ്റവാളി സംഘങ്ങൾ അനധികൃതമായി കൈവശംവച്ച ഭൂമി സ്വതന്ത്രമാക്കി. കുറ്റകൃത്യങ്ങൾക്കെതിരായ ‘സീറോ ടോളറൻസ് പോളിസി’ നിലനിർത്തിക്കൊണ്ടാണ് യുപി ജലസേചന വകുപ്പ് ഭൂമി കണ്ടുകെട്ടിയത്. ആറ് ഏക്കർ ഭൂമിയാണ് ഡൽഹി സരിത വിഹാറിലെ മദൻപൂർ ഖാദർ ഗ്രാമത്തിൽ നിന്നും പിടിച്ചെടുത്തത്.
ജലസേചന വകുപ്പിന്റെ ഭൂമി നിയമവിരുദ്ധമായി കൈയേറ്റം ചെയ്തവർക്കെതിരെ നടപടിയെടുക്കാൻ മുഖ്യമന്ത്രി യോഗി ആദിത്യനാഥ് ജല മന്ത്രാലയത്തോട് ആവശ്യപ്പെട്ടിരുന്നു. തുടർന്നാണ് ഭൂമാഫിയക്കാർക്കെതിരെ നടപടിയെടുക്കാൻ തീരുമാനിച്ചത്. യുപിയിലെ ജലസേചന വകുപ്പ് ഭൂമിയിൽ പ്ലോട്ട് നമ്പർ അടയാളപ്പെടുത്തി. ശേഷം മദൻപുരിലെ ഭൂമികയ്യേറ്റം നീക്കം ചെയ്യുന്നതിനുള്ള നടപടികൾ ആരംഭിച്ചിട്ടുണ്ട്.
മുഖ്യമന്ത്രിയുടെ നിർദ്ദേശപ്രകാരം ആറ് ഏക്കർ ഭൂമി ജലസേചന വകുപ്പ് മോചിപ്പിക്കാനുള്ള നീക്കങ്ങൾ ആരംഭിച്ചതായി യുപിയിലെ വൈദ്യുതമന്ത്രി മഹേന്ദ്ര സിംഗ് ട്വിറ്ററിൽ കുറിച്ചു. കള്ളക്കടത്ത് സംഘത്തിൽ നിന്ന് ഭൂമി മോചിപ്പിക്കുന്നതിനായി അനധികൃത കെട്ടിടങ്ങൾ പൊളിച്ചുനീക്കുന്നതിന്റെ വീഡിയോ ക്ലിപ്പും സിംഗ് പങ്കുവച്ചിട്ടുണ്ട്.
दिल्ली में मा.मुख्यमंत्री श्री @myogiadityanath जी के निर्देशन पर जलशक्ति-सिंचाई विभाग की भू माफियाओं पर बड़ी कार्यवाही
दिल्ली के मदनपुर में सिंचाई विभाग की वर्षों से अतिक्रमित 6 एकड़ भूमि को अभियान चला कर कराया गया अतिक्रमण मुक्त @narendramodi@AmitShah @gssjodhpur pic.twitter.com/yxKtALGUb4
— Dr. Mahendra Singh (@bjpdrmahendra) March 24, 2021
യോഗി സർക്കാർ അധികാരത്തിൽ വന്നതിന് ശേഷമാണ് സംസ്ഥാനത്ത് കള്ളക്കടത്ത് സംഘങ്ങൾ പിടിച്ചെടുത്ത പൊതുസ്വകാര്യ ഭൂമി സ്വതന്ത്രമാക്കുന്നതിന് ഒരു ആന്റി ലാന്റ് മാഫിയ ടാസ്ക് ഫോഴ്സ് രൂപീകരിച്ചത്. ടാസ്ക് ഫോഴ്സ് ഇതുവരെ 67,000 ഏക്കറിലധികം സ്ഥലങ്ങൾ മോചിപ്പിച്ചിട്ടുണ്ട്. ഈ ഭൂമികൾ കായികവകുപ്പിന് മൈതാനങ്ങളാക്കാനും മറ്റും നൽകിയിട്ടുണ്ടെന്നും സർക്കാരുമായി ബന്ധപ്പെട്ട വക്താവ് അറിയിച്ചു.
അനധികൃത ഭൂമി ഇടപാടുകളിലും കയ്യേറ്റങ്ങളിലും ഏർപ്പെട്ടിരിക്കുന്നവർക്കെതിരെ കർശന നടപടികളാണ് ഇതുവരെ യുപി സർക്കാർ സ്വീകരിച്ചിരിക്കുന്നത്. ഇത് അറിയിക്കാനായി വിവിധ ജില്ലകളിൽ ലാൻഡ് മാഫിയ ടാസ്ക് ഫോഴ്സിനായി സംസ്ഥാന സർക്കാർ ഒരു ഓൺലൈൻ പോർട്ടലും രൂപീകരിച്ചിട്ടുണ്ട്. ഒഖ്ല, ജസോള, മദൻപൂർ ഖാദർ, ആലി, സൈദാബാദ്, ജെയ്ത്പൂർ, മോളാർവാണ്ട്, ഖുറെജി ഖാസ് തുടങ്ങിയ സ്ഥലങ്ങളിൽ ഭൂമി കൈയേറ്റം ചെയ്ത കേസിൽ കുറ്റക്കാരെന്ന് കണ്ടെത്തിയവർക്കെതിരെ നടപടിയെടുക്കാനും യോഗി ആദിത്യനാഥ് ഉത്തരവിട്ടിട്ടുണ്ട്.
Comments