ലണ്ടൻ: ലോകകപ്പ് യോഗ്യതാ മത്സരങ്ങളുടെ പശ്ചാത്തലത്തിൽ ഇടവേള ലഭിച്ച ഫുട്ബോൾ ലീഗ് മത്സരങ്ങൾ ഇന്ന് പുന:രാരംഭിക്കുന്നു.ഇംഗ്ലീഷ് പ്രീമിയർ ലീഗ്, ഇറ്റാലിയൻ ലീഗ്, ഫ്രഞ്ച് ലീഗ്, ജർമ്മൻ ലീഗ് തുടങ്ങി എല്ലാ സുപ്രധാന ലീഗിലും പ്രമുഖ ക്ലബ്ബുകൾ ഇന്നിറങ്ങും. ഇംഗ്ലീഷ് ലീഗിൽ മൂന്ന് , ഇറ്റാലിയൻ ലീഗായ സീരി എയിൽ ഒൻപത്, ഫ്രഞ്ച് ലീഗായ ലാ ലീഗയിൽ നാല്, ജർമ്മൻ ലീഗായ ബുന്ദേസ്ലീഗയിൽ ആറ് എന്ന നിലയിലാണ് മത്സരങ്ങൾ നടക്കുന്നത്.
ഇംഗ്ലീഷ് പ്രീമിയർ ലീഗിൽ മുൻനിര ടീമുകളായ മാഞ്ചസ്റ്റർ സിറ്റിയ്ക്കും, ലെസ്റ്ററിനും, ചെൽസിയ്ക്കും മത്സരമുണ്ട്. സൂപ്പർപോരാട്ടമായാണ് മാഞ്ചസ്റ്റർ സിറ്റി-ലെസ്റ്റർ മത്സരത്തെ കണക്കാക്കുന്നത്.
സിരി എയിൽ റൊണാൾഡോയുടെ യുവന്റസും നാപ്പോളിയും പാർമയും റോമയും കളത്തിലിറങ്ങും. ലാ ലീഗയിൽ റയൽ മാഡ്രിഡിന് ഇന്ന് മത്സരമുണ്ട്. ബുന്ദേസ്ലീഗയിൽ ചാമ്പ്യന്മാരായ ബയേൺ മ്യൂണിച്ചും ഇന്ന് പോരിനിറങ്ങും.
