ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് ജയം. ഒന്നിനെതിരെ രണ്ടു ഗോളുകൾക്കാണ് ഓൾഡ് ട്രാഫോഡിലെ മത്സരത്തിൽ ബ്രൈറ്റണിനെ യുണൈറ്റഡ് തോൽപ്പിച്ചത്.
കളിയുടെ തുടക്കത്തിൽ തന്നെ ചെമ്പടയുടെ വലയിൽ ഗോളടിച്ച് ബ്രൈറ്റൺ ഞെട്ടിച്ചെ ങ്കിലും യുണൈറ്റഡ് മികവോടെ തിരികെ എത്തി. 13-ാം മിനിറ്റിൽ വെൽബാക്കാണ് യുണൈറ്റഡിനെതിരെ ഗോൾ നേടിയത്. തുടർന്ന് ശക്തമായ പ്രതിരോധം തീർത്താണ് ബ്രൈറ്റൺ കളിച്ചത്.
രണ്ടാം പകുതിയിൽ കളി ശൈലി മാറ്റിയ യുണൈറ്റഡ് റാഷ്ഫോഡിലൂടെ സമനില പിടിച്ചു. ബ്രൂണോ ഫെർണാണ്ടസ് നൽകിയ പാസാണ് റാഷ്ഫോഡ് വലയിലെത്തിച്ചത്. 62-ാം മിനിറ്റിലാണ് ഗോൾ നേടിയത്. 83-ാം മിനിറ്റിൽ ഗ്രീൻവുഡാണ് വിജയഗോൾ നേടിയത്. പോൾ പോഗ്ബയുടെ പാസാണ് ഗ്രീൻവുഡ് ഗോളാക്കിയത്.
Comments