ലണ്ടൻ: യൂറോപ്പാ ലീഗിൽ മാഞ്ചസ്റ്റർ യുണൈറ്റഡിന് റെക്കോഡ് നേട്ടത്തോടെ ജയം. ഗ്രനാഡ ക്കെതിരെയാണ് ചെമ്പട എതിരില്ലാത്ത് രണ്ടു ഗോളുകളിച്ചത്. 56 വർഷം മുമ്പ് സർ ബോബി ചാൾട്ടൺ ഗ്രനാഡയ്ക്കെതിരെ നേടിയ ഗോളുകളുടെ നേട്ടത്തിനൊപ്പമാണ് യുണൈറ്റഡ് എത്തിയത്.
യൂറോപ്പാ ലീഗിലെ ക്വാർട്ടർ ഫൈനലിന്റെ ആദ്യപാദത്തിലാണ് യുണൈറ്റഡ് ഗോൾ നേടിയത്. കളിയുടെ 31-ാം മിനിറ്റിലാണ് റാഷ്ഫോഡ് ഗോൾ നേടിയത്. 23കാരനായ റാഷ്ഫോഡിന്റെ ഗോൾവേട്ടയാണ് ചാൾട്ടന്റെ നേട്ടത്തിനൊപ്പമെത്തിച്ചത്. 1964-65 സീസണിലാണ് എക്കാല ത്തേയും മികച്ച സ്ട്രൈക്കറായ ബോബ് ചാൾട്ടൻ 8 ഗോളുകളുമായി സീസണിലെ താരമായത്. ഇന്നലെ ഗ്രനാഡക്കെതിരെ അവസാന നിമിഷം ലഭിച്ച പെനാൽറ്റി മുതലാക്കി ബ്രൂണോ ഫെർണാണ്ടസ് യുണൈറ്റഡിന്റെ രണ്ടാം ഗോളിന് അവകാശിയായി.
യൂറോപ്പാ ലീഗിൽ ഒരു സീസണിൽ എട്ടു ഗോളുകളെന്ന അപൂർവ്വ നേട്ടത്തിനൊപ്പമാണ് റാഷ്ഫോഡും എത്തിനിൽക്കുന്നത്. ഇതുവരെ ചാമ്പ്യൻസ് ലീഗിലടക്കം ഈ സീസണിൽ 11 ഗോളുകൾ റാഷ്ഫോഡ് നേടിക്കഴിഞ്ഞു.
Comments