കൊറോണ രോഗികള്ക്ക് മാനസിക ഉല്ലാസം നല്കുന്ന പലതരത്തിലുള്ള വീഡിയോകള് സോഷ്യല് മീഡിയയില് വൈറലായിട്ടുണ്ട്. അതില് ഈയിടെ പുറത്തുവന്ന ഒരു വീഡിയോ ആയിരുന്നു ആശുപത്രി കിടക്കയില് വെച്ച് പാട്ട് ആസ്വദിക്കുന്ന ഒരു യുവതിയുടെ വീഡിയോ. പാട്ട് കേള്ക്കണം എന്ന് ആവശ്യപ്പെടുകയും അതനുസരിച്ച് ഡോക്ടര് വെച്ചുകൊടുക്കുകയും യുവതി അത് ആസ്വദിക്കുകയും ചെയ്യുന്ന വീഡിയോ ആണ് സോഷ്യല് മീഡിയയില് വൈറല് വളരെ പെട്ടെന്ന് തന്നെ വൈറലായത്.
ഡിയര് സിന്ദഗി എന്ന ചിത്രത്തിലെ ലവ് യൂ സിന്ദഗി എന്ന ഗാനമായിരുന്നു യുവതി കേട്ടു കൊണ്ടിരുന്നത്. ഡൽഹി യിലെ ആശുപത്രിയില് ജോലി ചെയ്യുന്ന ഡോക്ടര് മോണിക്ക ലാംഗേയാണ് ട്വിറ്ററിലൂടെ ഈ വീഡിയോ പങ്കുവെച്ചത്. അത്യാഹിത വിഭാഗത്തില് ഓക്സിജന് സപ്പോര്ട്ടോടുകൂടി ഇരിക്കുമ്പോഴും വളരെ സന്തോഷത്തോടു കൂടി ഗാനം ആസ്വദിക്കുന്ന യുവതിയുടെ വീഡിയോ വളരെ പെട്ടന്നാണ് സോഷ്യല്മീഡിയ ഏറ്റെടുത്തത്.
ഈ വീഡിയോ കാണുകയും പങ്കുവെക്കുകയും ചെയ്തവര് നിരവധിയാണ്. എന്നാല് അവരുടെ ആയുസ്സ് അധികം നീണ്ടുനിന്നില്ല. ആ യുവതി മരണത്തിനു കീഴടങ്ങി. ഡോക്ടര് മോണിക്ക ലാംഗേ തന്നെയാണ് യുവതിയുടെ മരണ വാര്ത്ത ട്വിറ്ററിലൂടെ പങ്കുവെച്ചത്. വൈറലായ വീഡിയോയിലൂടെ വളരെ പെട്ടന്ന് യുവതി എല്ലാവര്ക്കും പരിചിതയായിരുന്നു. അവരുടെ മരണത്തില് നിരവധി പേരാണ് ദു:ഖം രേഖപ്പെടുത്തുന്നത്.
