ന്യൂഡൽഹി: ഡൽഹിയിലെ സർക്കാർ സ്കൂളുകളിൽ ‘ദേശഭക്തി’ പാഠ്യപദ്ധതി നടപ്പാക്കുമെന്ന് ഡൽഹി മുഖ്യമന്ത്രി അരവിന്ദ് കെജ്രിവാൾ. സ്വാതന്ത്ര്യദിനത്തിനോടനുബന്ധിച്ച്, സ്വാതന്ത്ര്യസമരസേനാനി ഭഗത് സിങ്ങിനോടുള്ള ആദരസൂചകമായിട്ടാണ് പുതിയ പദ്ധതി ആരംഭിക്കുന്നത്. എല്ലാ കുട്ടികളിലും അഭിമാന ബോധം വളർത്തുകയാണ് ഇതിലൂടെ ലക്ഷ്യമിടുന്നതെന്നും കെജ്രിവാൾ പറഞ്ഞു.സെപ്റ്റംബർ 27 മുതൽ ദേശഭക്തി പാഠ്യപദ്ധതി ആരംഭിക്കും. ഉപ മുഖ്യമന്ത്രി മനീഷ് സിസോദിയിൽ നിന്ന് കെജ്രിവാൾ ദേശഭക്തി പാഠ്യപദ്ധതിയുടെ കരടുരേഖ ഏറ്റുവാങ്ങി.
കഴിഞ്ഞ 70 വർഷമായി നമ്മൾ ഫിസിക്സും കെമിസ്ട്രിയും പഠിപ്പിക്കുന്നു.എന്നാൽ ഇതുവരേയും ദേശഭക്തി വളർത്തുന്നതാനായിട്ടുള്ള പാഠ്യപദ്ധതി ആരും ചിന്തിച്ചിട്ടില്ല. ഡൽഹിയിലെ യുവമനസ്സുകളിൽ സ്നേഹത്തിന്റെ വിത്തുപാകാൻ കഴിയുന്നതിൽ ഏറെ സന്തോഷമുണ്ടന്നും പാഠ്യപദ്ധതിയുടെ കരടുരേഖ പ്രകാശനം നിർവഹിച്ച് കെജ്രിവാൾ പറഞ്ഞു. പ്രധാനമായും മൂന്ന് ലക്ഷ്യങ്ങളാണ് പാഠ്യപദ്ധതിക്കുണ്ടാവുക. വിദ്യാർത്ഥികളിൽ രാജ്യാഅഭിമാനംവളർത്തുക ,രാജ്യത്തോടുള്ള കടമകളെ കുറിച്ച് അവബോധം വളർത്തുക, രാജ്യത്തിനുവേണ്ടി ത്യാഗം ചെയ്യുക എന്നീ ലക്ഷ്യങ്ങളാണ് പാഠ്യപദ്ധതിയിലൂടെ ഉദ്ദേശിക്കുന്നതെന്ന് കെജ്രിവാൾ പറഞ്ഞു.
ഒക്ടോബർ 2 മുതൽ ഡൽഹിയിലെ എല്ലാ ഹാളുകളിലും പാർക്കുകളിലും യോഗ ക്ലാസുകൾ ആരംഭിക്കുമെന്നും ഡൽഹി മുഖ്യമന്ത്രി കൂട്ടിചേർത്തു. ജൂൺ 21-ന് ലോകമെമ്പാടും യോഗ ആചരിക്കുന്നുണ്ട്. എന്നാൽ അന്താരാഷ്ട്ര യോഗ ദിനാചരണത്തിന് പുറമേ യോഗയ്ക്ക് കാര്യമായ പുരോഗതിയൊന്നും സംഭവിക്കുന്നില്ല. ഇതിന് പരിഹാരം കാണാനാണ് പുതിയ പദ്ധതി. നിരവധി യോഗ ടീച്ചർമ്മാരെയും യോഗ ഇൻസ്ട്രക്ടർമാരെയും ഉൾപ്പെടുത്തിയായിരിക്കും ക്ലാസുകൾ. ഡൽഹി സെക്രട്ടറിയേറ്റിൽ ദേശീയ പതാക ഉയർത്തിയ ശേഷം സംസാരിക്കുകയായിരുന്നു അരവിന്ദ് കെജ്രിവാൾ.
Comments