ചെന്നൈ: ഇലക്ട്രിക് ഇരുചക്രവാഹനമായ ഇ-സ്കൂട്ടറിന്റെ എസ് വൺ, എസ് വൺ പ്രോ എന്നീ സീരിസുകൾ വിപണിയിലെത്തിച്ച് ഇന്ത്യൻ നിരത്തുകളിൽ തരംഗം സൃഷ്ടിച്ചിരിക്കുകയാണ് ഒല. എന്നാൽ നിർമ്മാണ മേഖലയിലെ പ്രതിസന്ധിയെ തുടർന്ന് കമ്പനിയ്ക്ക് വാഹന നിർമ്മാണം നിർത്തിവെയ്ക്കേണ്ടി വന്നു.
പ്രതിസന്ധിഘട്ടങ്ങൾ തളർത്തില്ലെന്നും ഒക്ടോബർ മാസം മുതൽ നിർമ്മാണം പുനരാരംഭിക്കുമെന്നും കമ്പനി അറിയിച്ചു. അടുത്ത ഘട്ട നിർമ്മാണ പ്രവർത്തനങ്ങൾക്ക് വനിതാ ജീവനക്കാരെ സ്വാഗതം ചെയ്താണ് ഒല ഈ പ്രതിസന്ധി തരണം ചെയ്തത്.
പതിനായിരത്തിലധികം വനിതാ ജീവനക്കാർക്കാണ് ഒല അവസരം നൽകുന്നത്. ഇതിലുടെ നിർമ്മാണ മേഖലയിൽ ഏറ്റവും അധികം വനിതാ പങ്കാളിത്തം ഉള്ള ഏക നിർമ്മാണ ശാലയായി ഒല മാറും. ട്വിറ്ററിലൂടെ കമ്പനി സിഇഒ ഭവിഷ് അഗർവാളാണ് ഇക്കാര്യം അറിയിച്ചത്.
സെപ്റ്റംബർ എട്ട് മുതൽ ഒല ഇലക്ട്രിക് സ്കൂട്ടറുകൾ വിപണിയിലെത്തും എന്നാണ് കമ്പനി അറിയിച്ചിരുന്നത്. എന്നാൽ നിർമ്മാണ മേഖലയിലെ പ്രതിസന്ധിയെ തുടർന്ന് വിൽപ്പന ആരംഭിക്കുവാനായില്ല. പുതിയ തീരുമാനത്തോടെ ഏത് പ്രതിസന്ധിഘട്ടത്തേയും തരണം ചെയ്യുവാൻ ഒരു ഉപായമുണ്ടെന്ന് കാണിച്ചു തരികയാണ് ഒല.
എസ് വൺ സീരിസിന് 99,999 രൂപയും, എസ് വൺ പ്രോ സീരിസിന് 1.29 ലക്ഷം രൂപയുമാണ് വില. എസ് വണ്ണിന്റെ ഉയർന്ന വേഗം 90 കിലോമീറ്ററും എസ് വൺ പ്രോയുടേത് 115 കിലോമീറ്ററുമാണ്.
Aatmanirbhar Bharat requires Aatmanirbhar women!
Proud to share that the Ola Futurefactory will be run ENTIRELY by women, 10,000+ at full scale! It’ll be the largest all-women factory in the world!!🙂
Met our first batch, inspiring to see their passion!https://t.co/ukO7aYI5Hh pic.twitter.com/7WSNmflKsd
— Bhavish Aggarwal (@bhash) September 13, 2021
Comments