ന്യൂഡൽഹി : കേന്ദ്രസർക്കാർ ജീവനക്കാരുടെ ക്ഷാമബത്തയിൽ വർദ്ധനവ്.ക്ഷാമബത്ത മൂന്ന് ശതമാനം വർദ്ധിപ്പിക്കാനുള്ള നിർദേശത്തിന് കേന്ദ്രമന്ത്രി സഭ അംഗീകാരം നൽകി.
47 ലക്ഷം കേന്ദ്രസർക്കാർ ജീവനക്കാർക്ക് ആണ് ഇതിന്റെ പ്രയോജനം ലഭിക്കുക. പുതുക്കിയ ക്ഷാമബത്ത ജൂലൈ മുതൽ മുൻകാല പ്രാബല്യത്തോടെ ലഭിക്കും.ഇതോടെ കേന്ദ്രസർക്കാർ ജീവക്കാരുടെ ക്ഷാമബത്ത 31 ശതമാനമായി.
കൊറോണ വ്യാപനത്തെ തുടർന്ന് ഇതിന് നുൻപ് വർദ്ധിപ്പിച്ച ക്ഷാമബത്ത നൽകുന്നത് സർക്കാർ മരവിപ്പിച്ചിരുന്നു.തുടർന്ന് കൊറോണ വ്യാപനം കുറഞ്ഞതോടെ ജൂലൈയിൽ ക്ഷാമബത്ത നൽകാൻ കേന്ദ്രസർക്കാർ ഉത്തരവിട്ടു.
ജൂലൈമുതൽ വർദ്ധിപ്പിച്ച ക്ഷാമബത്ത നൽകി തുടങ്ങുന്നത് ലക്ഷക്കണക്കിന് ജീവനക്കാർക്കും പെൻഷൻകാർക്കുമാണ് പ്രയോജനം ചെയ്യുക. മുൻപ് 28 ശതമാനം ആക്കി വർദ്ധിപ്പിച്ച് ക്ഷാമബത്തയാണ് ദീപാവലിയോട് അനുബന്ധിച്ച് 31 ശതമാനം ആക്കി നൽകുന്നത്. 34,400 കോടി രൂപയോളം ക്ഷാമബത്ത വർദ്ധിപ്പിച്ചതിന് അധിക ചിലവ് വരുമെന്നാണ് കണക്കാക്കുന്നത്.
