ലക്നൗ : ഇന്ത്യാവിഭജനത്തിന് കാരണം കോൺഗ്രസാണെന്ന് എഐഎംഐഎം നേതാവ് അസദുദ്ദീൻ ഒവൈസി. മുഹമ്മദലി ജിന്നയെ ഇന്ത്യയുടെ ആദ്യ പ്രധാനമന്ത്രിയാക്കണമായിരുന്നുവെന്ന സുഹെൽദേവ് ഭാരതീയ സമാജ് പാർട്ടി അദ്ധ്യക്ഷൻ രാജ്ഭറിന്റെ പ്രസ്താവനയോട് ആയിരുന്നു ഒവൈസിയുടെ പ്രതികരണം. ഇന്ത്യ- പാക് വിഭജനത്തിന്റെ ഉത്തരവാദി ജിന്നയാണെന്നും ഒവൈസി പറഞ്ഞു.
മുസ്ലീങ്ങൾ കാരണമല്ല ഇന്ത്യയെ രണ്ടായി വിഭജിച്ചത്. അതിന് കാരണം ജിന്ന മാത്രമാണ്. വിഭജനകാലത്ത് ഉന്നതരായ മുസ്ലീങ്ങൾക്ക് മാത്രമാണ് വോട്ട് ചെയ്യാൻ അനുവാദമുള്ളത്. കോൺഗ്രസും അന്നുണ്ടായിരുന്ന നേതാക്കളുമാണ് വിഭജനത്തിലേക്കുള്ള സാഹചര്യം ഒരുക്കിയതിന് ഉത്തരവാദികൾ എന്നും ഒവൈസി പ്രതികരിച്ചു.
ഉത്തർപ്രദേശ് നിയമസഭാ തെരഞ്ഞെടുപ്പിന് മുന്നോടിയായി നടത്തിയ പ്രചാരണ റാലിയിലാണ് രാജ്ഭർ ജിന്നയെ പ്രധാനമന്ത്രിയാക്കണമായിരുന്നുവെന്ന പ്രസ്താവന നടത്തിയത്. പൊതുവേദിയിൽ ജിന്നയെ പ്രശംസിക്കുകയും ചെയ്തിരുന്നു. ഇതിന് പിന്നാലെ ശക്തമായ പ്രതിഷേധമാണ് രാജ്ഭറിനെതിരെ ഉയർന്നത്.
Comments