പത്തനംതിട്ട: സ്കൂളിലേക്ക് പോവുകയായിരുന്ന വിദ്യാർത്ഥികളെ തടഞ്ഞു നിർത്തി നെഞ്ചത്ത് ഞാൻ ബാബരി എന്നെഴുതിയ സ്റ്റിക്കർ പതിപ്പിച്ചു. പത്തനംതിട്ട കോട്ടാങ്ങൽ സെന്റ്മേരീസ് സ്കൂളിലെ വിദ്യാത്ഥികളുടെ നെഞ്ചത്താണ് ബലം പ്രയോഗിച്ച് സ്റ്റിക്കർ പതിച്ചത്. പ്രദേശത്തെ പോപ്പുലർ ഫ്രണ്ട് പ്രവർത്തകരാണ് പിഞ്ചുകുട്ടികൾക്കുനേരെ അതിക്രമം നടത്തിയത്.
സ്കൂളിന്റെ പ്രവേശന കവാടത്തിന് സമീപത്തുവച്ചുനടന്ന അതിക്രമത്തിൽ വ്യാപക പ്രതിഷേധം ഉയരുകയാണ്. ബിജെപി സംസ്ഥാന പ്രസിഡന്റ് കെ സുരേന്ദ്രൻ പ്രതിഷേധവുമായി രംഗത്തെത്തി. ഫേസ്ബുക്ക് പോസ്റ്റിലൂടെയാണ് സുരേന്ദ്രൻ പ്രതിഷേധം രേഖപ്പെടുത്തിയത്. സംഭവത്തിന്റെ ചിത്രങ്ങളും സുരേന്ദ്രൻ പങ്കുവെച്ചിട്ടുണ്ട്. എസ്ഡിപിഐ പിന്തുണയിൽ സിപിഎം ഭരിക്കുന്ന പഞ്ചായത്താണ് കോട്ടാങ്ങൽ.
സുരേന്ദ്രന്റെ ഫേസ്ബുക്ക് പോസ്റ്റിന്റെ പൂർണ്ണ രൂപം… പത്തനംതിട്ട കോട്ടാങ്ങലിൽ സെന്റ് മേരീസ് സ്കൂളിലെ പിഞ്ചുവിദ്യാർത്ഥികളെ തടഞ്ഞുനിർത്തി ബലം പ്രയോഗിച്ച് ഞാൻ ബാബറി എന്ന സ്ററിക്കർ പതിപ്പിക്കുന്ന പി. എഫ്. ഐ. സംഘം. ഈ പഞ്ചായത്ത് സി. പി. എമ്മും എസ്. ഡി. പി. ഐയും ഒരുമിച്ചാണ് ഭരിക്കുന്നത്. പിണറായി പോലീസ് ഒരു നടപടിയും എടുക്കുന്നില്ല. കേരളം അതിവേഗം സിറിയയാവുകയാണോ?
കെ. സുരേന്ദ്രന്റെ ഫേസ്ബുക്ക് പോസ്റ്റ് വായിക്കുവാൻ ക്ലിക്ക് ചെയ്യുക.
Comments