ദിസ്പൂർ: മനുഷ്യക്കുഞ്ഞിന്റേതിന് സമാനമായ ആട്ടിൻകുട്ടിയുടെ ചിത്രം സോഷ്യൽ മീഡിയയിൽ അത്ഭുത കാഴ്‌ച്ചയാകുന്നു. അസമിലെ ദിസ്പൂർ ജില്ലയിലെ ഗംഗാപൂർ ഗ്രാമത്തിലെ കർഷകന്റെ വീട്ടിലാണ് അപൂർവ്വ ആട്ടിൻ കുട്ടി പിറന്നത്. എന്നാൽ ആട്ടിൻകുട്ടി ഗർഭാവസ്ഥയിൽ തന്നെ മരിച്ചു.
മനുഷ്യക്കുഞ്ഞിന്റേതിന് സമാനമായ സവിശേഷതകളായിരുന്നു ആട്ടിൻകുട്ടിയ്‌ക്ക്. അതിന്റെ കണ്ണുകളും മൂക്കും വായും മനുഷ്യനെ പോലെയാണ്. ചെവി ആടുകളുടെ പോലെ ആയിരുന്നു. രണ്ട് കൈകാലുകളോടെയാണ് ഇത് ജനിച്ചത്. സംഭവം പ്രചരിച്ചതോടെ ഗംഗാപൂർ ഗ്രാമത്തിൽ ആട്ടിൻകുട്ടിയെ കാണാൻ ജനക്കൂട്ടം തടിച്ചുകൂടി.
അതേസമയം സംഭവത്തിൽ അതിശയിക്കാനില്ലെന്നാണ് ജന്തുശാസ്ത്രജ്ഞർ പറയുന്നത്. പരിണാമ സിദ്ധാന്തത്തിന്റെ തെളിവുകളാണ് ഇതെന്നാണ് ശാസ്ത്രജ്ഞരുടെ വാദം. ഗർഭാവസ്ഥയിൽ മൃഗങ്ങളുടെ ഭ്രൂണങ്ങളും മനുഷ്യരുടേതും തമ്മിൽ സമാനതകളുണ്ടെന്നും അതാണ് ഈ അവസ്ഥയ്‌ക്ക് കാരണമെന്നും ശാസ്ത്രജ്ഞർ പറഞ്ഞു.
https://twitter.com/Vegz05/status/1475540489570947073
