പൂഞ്ച്: ഭീകരവേട്ട തുടരുന്നതിനിടെ യുവാവ് സൈന്യത്തിന്റെ പിടിയിൽ. പൂഞ്ച് മേഖലയിൽ ഭീകരരുമായി നിരന്തരം ബന്ധപ്പെടുന്ന യുവാവിനെയാണ് ജമ്മുകശ്മീർ പോലീസ് അറസ്റ്റ് ചെയ്തത്. പൂഞ്ച്-പാഞ്ചാൽ മേഖലയിൽ വർദ്ധിച്ചുവരുന്ന ഭീകര പ്രവർത്തനത്തിനെതിരെ ജാഗ്രത കൂട്ടിയതിന്റെ ഭാഗമായിട്ടാണ് യുവാവ് പിടിയി ലായത്.
കഴിഞ്ഞ ദിവസം രാത്രിയിലാണ് യുവാവിനെ പോലീസ് അറസ്റ്റ് ചെയ്തത്. രഹസ്യവിവരം ലഭിച്ചതിനനുസരിച്ച് യുവാവ് ദിവസങ്ങളായി പോലീസിന്റെ നിരീക്ഷണത്തിലായിരുന്നു. ഭീകരർക്ക് ഇന്റർനെറ്റ് വഴി സഹായങ്ങൾ ചെയ്യുക. പോലീസ് നീക്കങ്ങളടക്കമുള്ള രഹസ്യവിവരങ്ങൾ നൽകുക, മയക്കുമരുന്ന് എത്തിക്കുക എന്നതാണ് യുവാവ് ചെയ്തിരുന്നത്.
പ്രദേശത്തെ ജനങ്ങളെ വിശ്വാസത്തിലെടുത്തുകൊണ്ടാണ് ജമ്മുകശ്മീർ പോലീസ് ഭീകരർക്കെതിരായ തിരച്ചിൽ നടത്തുന്നത്. മേഖലയിൽ യുവാക്കളെ ഭീകരത യിലേക്ക് ആകർഷിക്കാൻ യുവാവിന്റെ നേതൃത്വത്തിൽ ഒരു സംഘം പ്രവർത്തി ച്ചുകൊണ്ടിരിക്കുന്നതായും പോലീസ് അറിയിച്ചു. യുവാവിനെ പിടികൂടിയത് വഴി ഭീകരർക്ക് മേഖലയിൽ ഉണ്ടായിരുന്ന ഒരു ശൃംഖല പൊട്ടിക്കാൻ സാധിച്ചു വെന്നാണ് ജമ്മുകശ്മീർ പോലീസ് പറയുന്നത്.
