രാജ്കോട്ട് : ഗുജറാത്തിലെ രാജ്കോട്ടിൽ മതനിന്ദ ആരോപിച്ച് ഹിന്ദു യുവാക്കളെ മുസ്ലീം ജനക്കൂട്ടം അക്രമിച്ചു . അഹമ്മദാബാദിൽ മതനിന്ദ ആരോപിച്ച് കിഷൻ ബോലിയ എന്ന ഹിന്ദു യുവാവിനെ ഇസ്ലാമിസ്റ്റുകൾ ക്രൂരമായി കൊലപ്പെടുത്തിയിരുന്നു. അതിനു പിന്നാലെയാണ് ഹിന്ദു യുവാക്കൾക്ക് നേരെയുണ്ടായ അക്രമം.
ഭക്തിനഗർ പ്രദേശത്താണ് സംഭവം . വിനയ് ദോദിയ എന്നയാൾ സോഷ്യൽ മീഡിയയിൽ ഇട്ട പോസ്റ്റ് മുസ്ലീങ്ങളെ ആക്ഷേപിക്കുന്നതാണെന്നായിരുന്നു പരാതി . പിന്നാലെ മുസ്ലീം സമുദായത്തിൽ നിന്നുള്ള യുവാവും സോഷ്യൽ മീഡിയയിൽ ഇതിനെതിരെ പോസ്റ്റിട്ടു .പിന്നീട് പോസ്റ്റുകൾ 24 മണിക്കൂറിന് ശേഷം ഡിലീറ്റ് ചെയ്തു . ഇതിനു പിന്നാലെ ഇരു വിഭാഗങ്ങളും പ്രശ്നങ്ങൾ ചർച്ച ചെയ്യാനെന്ന പേരിൽ ഒത്തുകൂടി.ഇരുഭാഗത്തുനിന്നും അര ഡസനോളം പേർ എത്തി.
എന്നാൽ ചർച്ച ചെയ്യാൻ വന്നവർ തമ്മിൽ സംഘർഷമുണ്ടായി . 25 ഓളം വരുന്ന ഇസ്ലാമിസ്റ്റുകളാണ് അഞ്ചു ഹിന്ദു യുവാക്കളെ മൃഗീയമായി ഉപദ്രവിച്ചത്. സംഭവത്തിൽ 12 പേരെ പോലീസ് അറസ്റ്റ് ചെയ്തു . 16 പേർക്കെതിരെയാണ് കേസെടുത്തിരിക്കുന്നത് .സ്ഥിതിഗതികൾ കൂടുതൽ വഷളാക്കുന്നത് തടയാൻ പ്രാദേശിക സമാധാന സമിതിയുടെ യോഗം നടത്തിയതായി ഡിസിപി പ്രവീൺ മീണ പറഞ്ഞു. ഐപിസി സെക്ഷൻ 114 , 427 , 506 എന്നിവ പ്രകാരമാണ് കേസ് ഫയൽ ചെയ്തത്.
