ആലപ്പുഴ : സിപിഎം ജില്ലാ സമ്മേളനത്തിൽ ആഭ്യന്തര വകുപ്പിനെതിരെ ഉയർന്ന വിമർശനങ്ങൾ അംഗീകരിച്ച് മുഖ്യമന്ത്രി പിണറായി വിജയൻ. പോലീസിൽ ചില കുഴപ്പക്കാർ ഉണ്ടെന്ന് മുഖ്യമന്ത്രി സമ്മതിച്ചു. വിമർശനങ്ങൾ ഉന്നയിച്ചതിന്റെ പേരിൽ സിപിഐയെ ശത്രുതയോടെ കാണരുതെന്നാണ് അദ്ദേഹം നൽകിയിരിക്കുന്ന നിർദ്ദേശം.
പോലീസിൽ ചില കുഴപ്പക്കാർ ഉണ്ട്. കുഴപ്പക്കാരെ ശ്രദ്ധിക്കും നടപടി സ്വീകരിക്കും. വിമർശനങ്ങൾ ഉന്നയിച്ചതിന്റെ പേരിൽ സിപിഐയെ ശത്രുവായി കാണേണ്ടതില്ല. ശത്രുതാ മനോഭാവം വെച്ചു പുലർത്തേണ്ടെന്നും അദ്ദേഹം പറഞ്ഞു.
കുട്ടനാട് എംഎൽഎ തോമസ് കെ തോമസിനെ നിയന്ത്രിക്കാൻ പോകേണ്ടതില്ല. വരുതിയ്ക്ക് നിർത്താമെന്ന മോഹം വേണ്ട. എൻസിപി ഘടകകക്ഷിയാണെന്ന് മുഖ്യമന്ത്രി വ്യക്തമാക്കി.
