ശ്രീനഗർ: ജമ്മുകശ്മീരിൽ സുരക്ഷാ ഉദ്യോഗസ്ഥർക്ക് നേരെ വീണ്ടും ഗ്രനേഡ് ആക്രമണം. ശ്രീനഗറിലെ രൈനവാരി പ്രദേശത്താണ് ആക്രമണമുണ്ടായത്. ബുധനാഴ്ച വൈകിട്ടായിരുന്നു സംഭവം.
സംഭവത്തിൽ ഒരു സിആർപിഎഫ് ജവാനും ഒരു പോലീസുകാരനും പരിക്കേറ്റു. സമീപത്തെ വഴിയിലൂടെ പോകുകയായിരുന്ന മൂന്ന് സാധാരണക്കാർക്കും സ്ഫോടനത്തിൽ പരിക്കേറ്റിട്ടുണ്ട്.
സുരക്ഷ ഉദ്യോഗസ്ഥരെ ലക്ഷ്യം വെച്ചാണ് ഗ്രനേഡ് എറിഞ്ഞതെങ്കിലും ഉന്നംതെറ്റി റോഡിലേക്കാണ് പതിച്ചത്. ഇതിനാലാണ് ഉദ്യോഗസ്ഥർ പരിക്കുകളോടെ രക്ഷപ്പെട്ടതെന്ന് ശ്രീനഗർ എസ്എസ്പി അറിയിച്ചു. ഗ്രനേഡ് എറിഞ്ഞതിന് ശേഷം സംഭവസ്ഥലത്ത് നിന്നും രക്ഷപ്പെട്ട ഭീകരർക്കായി തിരച്ചിൽ പുരോഗമിക്കുകയാണ്.
Comments