ഭോപ്പാൽ : രാമനവമി ഘോഷയാത്രയ്ക്കിടെ മദ്ധ്യപ്രദേശിലും അക്രമം. ഘോഷയാത്രയ്ക്ക് നേരെ മതമൗലികവാദികൾ കല്ലെറിഞ്ഞു. സംഭവത്തിന്റെ പശ്ചാത്തലത്തിൽ പ്രദേശത്ത് നിരോധനാജ്ഞ ഏർപ്പെടുത്തി.
ഖാർഗോണിൽ വൈകീട്ടോടെയായിരുന്നു സംഭവം. തലബ് ചൗക്കിൽ നിന്നുമാണ് ഘോഷയാത്ര ആരംഭിച്ചത്. യാത്ര അൽപ്പദൂരം പിന്നിട്ടതോടെ മതതീവ്രവാദികൾ ആക്രമിക്കുകയായിരുന്നു. പരിസരത്തുണ്ടായിരുന്ന വാഹനങ്ങൾക്കും തീയിട്ടു. വിവരം അറിഞ്ഞെത്തിയ പോലീസ് ആണ് അക്രമി സംഘത്തിൽ നിന്നും ആളുകളെ രക്ഷിച്ചത്.
സംഭവത്തിൽ നിരവധി പേർക്ക് പരിക്കേറ്റിട്ടുണ്ട്. കല്ലെറിഞ്ഞതിന് പുറമേ പ്രദേശത്തെ വാഹനങ്ങൾക്കും അക്രമികൾ തീയിട്ടു. അക്രമി സംഘത്തെ നേരിടുന്നതിനിടെ പോലീസുകാർക്കും പരിക്കേറ്റിട്ടുണ്ട്. കണ്ണീർ വാതകം പ്രയോഗിച്ചാണ് അക്രമികളെ പിരിച്ചുവിട്ടത്.
സംഭവത്തിന്റെ പശ്ചാത്തലത്തിൽ തലബ് ചൗക്ക് ഉൾപ്പെടെ മൂന്ന് മേഖലകളിൽ ആണ് നിരോധനാജ്ഞ ഏർപ്പെടുത്തിയിട്ടുള്ളത്.
Comments