തിരുവനന്തപുരം: ഇസ്ലാം മതത്തെ മഹത്വവത്കരിച്ചുകൊണ്ടുള്ള പൊതുമരാമത്ത് മന്ത്രി മുഹമ്മദ് റിയാസിന്റെ പ്രസംഗ വീഡിയോ സോഷ്യൽ മീഡിയയിൽ വൈറലാകുന്നു. മുഹമ്മദ് റിയാസ് ഡിവൈഎഫ്ഐ നേതാവായിരുന്ന കാലത്ത് നടത്തിയ പ്രസംഗമാണ് ഇപ്പോൾ സോഷ്യൽ മീഡിയ കുത്തിപ്പൊക്കിയിരിക്കുന്നത്. പല ഗ്രൂപ്പുകളിലും വീഡിയോ പ്രചരിച്ചിട്ടുണ്ട്. ഇസ്ലാം സമാധാനത്തിന്റെ മതമാണെന്നാണ് റിയാസ് പ്രസംഗത്തിൽ പറയുന്നത്.
ശഹീദുകൾക്ക് പരലോകത്ത് സ്വർഗ്ഗത്തിൽ സ്ഥാനമുണ്ട്. തന്റെ വീട്ടുകാരെ പോലെ അയൽക്കാരനെ സ്നേഹിക്കാൻ ഇസ്ലാം മതം പഠിപ്പിക്കുന്നു, മുഹമ്മദ് നബിയുടെ ചരിത്രം പഠിക്കണം. മനുഷ്യനെ പോലെ മറ്റുള്ള ജീവികളുടെ ജീവനും വില നൽകുന്നതാണ് നബിയുടെ കാഴ്ച്ചപ്പാടെന്നും പ്രസംഗത്തിൽ പറയുന്നു. എൻഡിഎഫിന് മറുപടിയായുള്ള പ്രസംഗത്തിലാണ് മുഹമ്മദ് റിയാസ് ഇക്കാര്യങ്ങൾ പറയുന്നത്. നബിയെ കുറിച്ചുള്ള കഥയും പ്രസംഗത്തിൽ റിയാസ് വിദശീകരിക്കുന്നുണ്ട്.
എൻഡിഎഫ് വിട്ടുവന്ന യുവാവിനോട് എന്തൊക്കെയാ ക്ലാസ് എടുക്കുന്നെ എന്ന് ചോദിച്ചപ്പോൾ പള്ളിയിൽ വരുന്ന ചെറുപ്പക്കാരോട് ഭീകരവാദ പ്രവർത്തനത്തിൽ പങ്കെടുത്ത് കൊല്ലപ്പെട്ടാൽ ശഹീദുകളാകുമെന്നാണ് പറഞ്ഞ് തന്നതെന്നതെന്നാണ് അയാൾ പറഞ്ഞത്. ശഹീദ് എന്നാൽ രക്തസാക്ഷി എന്നാണ്. ഇസ്ലാമിൽ ശഹീദിന്റെ സ്ഥാനം പരലോകത്താണെന്നും എൻഡിഎഫ് പറയുന്ന പോലെയല്ല കാര്യങ്ങളെന്നും റിയാസ് പറയുന്നു.
