നോട്ടിന് മുകളിൽ മഷികൊണ്ട് എഴുന്നത് കുറ്റകരമാണ്. എന്നാൽ ഇപ്പോഴും ആളുകൾ നോട്ടിന് മുകളിൽ ചെറിയ കുറിപ്പുകളും, ഫോൺ നമ്പറുകളും മറ്റും എഴുതുന്നത് പതിവാണ്. ഇത്തരത്തിൽ പത്ത് രൂപ നോട്ടിന് മുകളിൽ ഒരു യുവതി തന്റെ കാമുകന് എഴുതിയ വാക്കുകളാണ് സമൂഹമാദ്ധ്യമങ്ങളിൽ വൈറലാകുന്നത്. വിവാഹം തീരുമാനിച്ച യുവതി, നോട്ടിലെ വാക്കുകളിലൂടെ കാമുകനോട് തന്നെ കൂട്ടിക്കൊണ്ടുപോകാൻ അഭ്യർത്ഥിക്കുകയാണ്.
‘വിശാൽ, ഏപ്രിൽ 26ന് എന്റെ വിവാഹമാണ്. എന്നെ ഇവിടെ നിന്നും കൂട്ടിക്കൊണ്ട് പോകുന്നു. ഐ ലവ് യൂ. എന്ന് നിന്റെ കുസും’ എന്നാണ് പത്ത് രൂപ നോട്ടിൽ കുറിച്ചിരിക്കുന്നത്. ഒരു ട്വിറ്റർ ഉപഭോക്താവാണ് ഈ കുറിപ്പ് പങ്കുവെച്ചത്. ഈ സന്ദേശം വിശാൽ കാണുമെന്ന പ്രതീക്ഷയിലാണ് ചിത്രം പങ്കുവെച്ചിരിക്കുന്നത്. ‘ട്വിറ്റർ, നിന്റെ ശക്തി കാട്ടൂ…ഏപ്രിൽ 26ന് കുസുമിന്റെ വിവാഹം കഴിയുന്നതിന് മുൻപ് ഈ സന്ദേശം വിശാലിലേയ്‌ക്ക് എത്തണം. സ്‌നേഹിക്കുന്ന രണ്ട് ഹൃദയങ്ങൾ ഒന്നിക്കണം. നിങ്ങൾക്ക് അറിയാവുന്ന എല്ലാ വിശാൽ എന്ന ആളുകളെയും ദയവായി ടാഗ് ചെയ്യൂ’ എന്ന അടിക്കുറിപ്പോടെയാണ് നോട്ടിന്റെ ചിത്രം പങ്കുവെച്ചിരിക്കുന്നത്.
Twitter show your power… 26th April ke Pehle kusum ka Yeh message vishal tak pahuchana hai.. Doh pyaar karne wale ko milana hai.. Please amplify n tag all vishal you know.. 😂 pic.twitter.com/NFbJP7DiUK
— Crime Master Gogo (PARODY) 🇮🇳 (@vipul2777) April 18, 2022
ധാരാളം ആളുകൾ ചിത്രം ഏറ്റെടുക്കുകയും, പങ്കുവെയ്‌ക്കുകയും ചെയ്തു. നിമിഷങ്ങൾക്കകം തന്നെ ഈ നോട്ടിന്റെ ചിത്രം സമൂഹമാദ്ധ്യമങ്ങളിൽ വൈറലായി. സ്‌നേഹിക്കുന്നവർ എന്തായാലും ഒന്നിക്കണം. ദയവായി വിശാലിന്റെ വിശദാംശങ്ങൾ കൂടി ഉൾപ്പെടുത്തൂ.. അല്ലാത്തപക്ഷം കുസുമിന്റെ വീട്ടിലേയ്‌ക്ക് വിശാലുകളുടെ ഘോഷയാത്രയായിരിക്കും എന്നിങ്ങനെയാണ് ആളുകൾ അഭിപ്രായം പങ്കുവെയ്‌ക്കുന്നത്.
