ന്യൂഡൽഹി : സിബിഎസ്ഇ പാഠപുസ്തകത്തിൽ പാക് കവി ഫൈസ് അഹമ്മദ് ഫൈസിന്റെ വർഗീയ കവിതകൾ ഒഴിവാക്കി എൻസിഇആർടി. മുഗൾ സാമ്രാജ്യത്തിന്റെ മഹത്വവൽക്കരണം, ഇസ്ലാമിന്റെ വ്യാപനം എന്നിവയെക്കുറിച്ചുള്ള പാഠങ്ങളും സെൻട്രൽ ബോർഡ് ഓഫ് സെക്കൻഡറി എഡ്യുക്കേഷൻ നീക്കം ചെയ്തു.
എൻസിഇആർടി പുസ്തകത്തിലെ പത്താം ക്ലാസിലെ സോഷ്യൽ സയൻസ് സിലബസിൽ നിന്നാണ് ഫൈസിന്റെ കവിത നീക്കം ചെയ്തത് .
2022-23 പാഠ്യവർഷത്തിൽ സിബിഎസ്ഇ പുറത്തിറക്കിയ പത്താം ക്ലാസ് പാഠപുസ്തകമായ ഡെമോക്രാറ്റിക് പൊളിറ്റിക്സ് II-ലെ ‘മതം, വർഗീയത, രാഷ്‌ട്രീയം – വർഗീയ, മതേതര രാഷ്‌ട്രം’ എന്ന വിഭാഗങ്ങളിലാണ് ഫൈസിന്റെ കവിത ഉണ്ടായിരുന്നത് . ഒപ്പം രണ്ട് പോസ്റ്ററുകളും ഒരു രാഷ്‌ട്രീയ കാർട്ടൂണും ഉണ്ടായിരുന്നു . ‘ ഇത്രയും മീറ്റിംഗുകൾ കഴിഞ്ഞിട്ടും നമ്മൾ അപരിചിതരായി തുടരുന്നു, ഇത്രയും മഴ പെയ്താലും രക്തക്കറകൾ അവശേഷിക്കുന്നു’ എന്ന കവിതയാണ് പുസ്തകത്തിൽ ഉൾപ്പെടുത്തിയതിൽ ഒന്ന്. ഇതും എൻ സി ഇ ആർ ടി നീക്കം ചെയ്തിട്ടുണ്ട്.
കൂടാതെ 12-ക്ലാസിലെ പൊളിറ്റിക്കൽ സയൻസ് പുസ്തകത്തിൽ നിന്ന് ‘ശീതയുദ്ധ കാലഘട്ടവും ചേരിചേരാ പ്രസ്ഥാനവും’ എന്ന പാഠഭാഗവും , ചരിത്ര പുസ്തകത്തിൽ നിന്ന് ‘മുഗൾ സാമ്രാജ്യത്തിന്റെ ഭരണം’ എന്ന ഭാഗവും നീക്കം ചെയ്തിട്ടുണ്ട് .
