ന്യൂഡൽഹി: ശ്രീരമ ഭഗവാനെ ഭഗവാനെ അപമാനിക്കുന്ന തരത്തിലുള്ള വീഡിയോ പങ്കുവെച്ച അദ്ധ്യാപികയെ പിരിച്ചുവിട്ട് സർവ്വകലാശാല. ലവ്ലി പ്രൊഫഷണൽ യൂണിവേഴ്സിറ്റിയിലെ അദ്ധ്യാപികയായ ഗുർസംഗ് പ്രീത് കൗറിനെയാണ് കോളേജ് അധികൃതർ പിരിച്ചുവിട്ടത്. ഗുർസംഗ് ശ്രീരമ ഭഗവാനെ അപമാനിക്കുന്ന തരത്തിലുള്ള വീഡിയോ സോഷ്യൽ മീഡിയയിൽ പങ്കുവെച്ചിരുന്നു. സംഭവം വിവാദമായതോടെയാണ് അദ്ധ്യാപികയെ പിരിച്ചുവിട്ടത്.
അദ്ധ്യാപികയുടെ ഭാഗത്ത് നിന്നുണ്ടായ നടപടിയിൽ ഖേദം പ്രകടിപ്പിക്കുന്നുവെന്ന് സർവ്വകലാശാല പുറത്തിറക്കിയ പ്രസ്താവനയിൽ പറയുന്നു. അദ്ധ്യാപികയുടെ വ്യക്തിപരമായ അഭിപ്രായം പറയുന്ന വീഡിയോ സോഷ്യൽ മീഡിയയിൽ പ്രചരിച്ചിരുന്നു. അത് നിരവധി പേരെ വേദനിപ്പിച്ചിട്ടുണ്ടെന്ന് മനസിലാക്കുന്നുവെന്നും തീർത്തും വ്യക്തിപരമായ അഭിപ്രായങ്ങളാണ് അദ്ധ്യാപിക പങ്കുവെച്ചതെന്നും പ്രസ്താവനയിൽ പറയുന്നു.
ശ്രീരാമൻ ഗൂഢാലോചനക്കാരനാണെന്നും ചീത്തയെന്നും വിളിക്കുകയും രാവണനെ പുകഴ്ത്തുകയുമാണ് അദ്ധ്യാപിക ചെയ്തത്. വീഡിയോയിൽ ശ്രീരമനെതിരെ അപകീർത്തിപരമായ രീതിയിൽ സംസാരിക്കുന്ന ഗുർസംഗിനെ കാണാം. വീഡിയോ വലിയ രീതിയിൽ വിമർശനങ്ങൾക്ക് വഴിയൊരുക്കിയിരുന്നു.
‘രാവണൻ മനസ്സുകൊണ്ട് നല്ല മനുഷ്യനായിരുന്നുവെന്ന് നിങ്ങൾക്കറിയാമോ? രാമൻ നല്ല മനുഷ്യനല്ല. രാമനെ ഒരു കൗശലക്കാരനായിട്ടാണ് ഞാൻ കാണുന്നത്. സീതയെ കുടുക്കാനും അതിന്റെ കുറ്റം രാവണന്റെ മേൽ ചുമത്താനും അവൻ എല്ലാ പദ്ധതികളും തയ്യാറാക്കി. ആരാണ് നല്ലവൻ ആരാണ് തിന്മ എന്ന് നമുക്ക് എങ്ങനെ തീരുമാനിക്കാം? രാവണൻ ഒരു മോശം മനുഷ്യനാണെന്ന് പറഞ്ഞ് ലോകം മുഴുവൻ രാമനെ ആരാധിക്കുകയാണ് ചെയ്യുന്നത്’ എന്നാണ് ഗുർസംഗ് പറഞ്ഞത്.
