നമാസ് അർപ്പിച്ച് ലെഫ്. ജനറൽ ജി.പി പാണ്ഡേയും സംഘവും; ഹൃദയങ്ങൾ കീഴടക്കി ഇന്ത്യൻ ആർമിയുടെ ചിത്രം

ശ്രീനഗർ: റമദാൻ മാസത്തിൽ ട്വിറ്ററിൽ തരംഗമായിരിക്കുകയാണ് ഒരു ചിത്രം. ഇന്ത്യൻ ആർമി ഉദ്യോഗസ്ഥർ നമാസ് അർപ്പിക്കുന്ന ചിത്രമാണ് ഹൃയങ്ങൾ കീഴടക്കുന്നത്. ലെഫ്. ജനറൽ ജി.പി പാണ്ഡേ ഉൾപ്പെടെയുള്ളവർ, സിഖ് ഓഫീസറോടൊത്ത് ശ്രീനഗറിൽ നമാസ് അർപ്പിക്കുന്നതാണ് ചിത്രം.

Lt Gen DP Pandey, Corps Commander 15 Corps, Srinagar offering namaz during Ramzan. #IndianArmyPeoplesArmy pic.twitter.com/ErjRaW9j7I

— कर्नल Danvir Singh, Sena Medal Gallantry (@danvir_chauhan) April 25, 2022

ഏപ്രിൽ 21നാണ് പ്രതിരോധ മന്ത്രാലയത്തിന്റെ പിആർഒ ചിത്രം പുറത്തുവിട്ടത്. ‘മതേതരത്വത്തിന്റെ പാരമ്പര്യം നിലനിർത്തിക്കൊണ്ട്, ദോഡ ജില്ലയിലെ അർനോറയിൽ ഇന്ത്യൻ സൈന്യം ഇഫ്താർ സംഘടിപ്പിച്ചു’ എന്നായിരുന്നു ചിത്രത്തിന്റെ അടിക്കുറിപ്പ്. കഴിഞ്ഞ വർഷവും ലെഫ്. ജനറൽ ഡിപി പാണ്ഡേ കശ്മീരിലെ സൈനികരോടൊപ്പം നമാസ്-ഇ-മഖ്‌രീബിൽ പങ്കെടുത്തിരുന്നു.

ഇന്ത്യയുടെ മതസൗഹാർദമാണ് ചിത്രത്തിലൂടെ വ്യക്തമാകുന്നതെന്നും ഇതാണ് ഇന്ത്യൻ സംസ്‌കാരമെന്നുമുള്ള പ്രതികരണങ്ങളായിരുന്നു ചിത്രത്തെ തേടിയെത്തിയത്. മതത്തിന്റെ പേരിൽ വിഭജിക്കാൻ ശ്രമിക്കുന്ന സമൂഹത്തിന് ഇതൊരു സന്ദേശമാണെന്നും ഇന്ത്യക്കാരായതിൽ അഭിമാനിക്കുന്നുവെന്നും പ്രതികരണങ്ങളെത്തി.

Lt Gen DP Pandey, Corps commander 15 corps, offering namaz during Holy month of Ramzan at srinagar.
A message of religious #harmony to the world especially to the elements who try to create a divide over the name of religion.
This is our India & we are proud of it.#Secular 🇮🇳 pic.twitter.com/v53PhDIUwr

— Dr Mohammad Amin (@DrMohammadAmi10) April 26, 2022