ലണ്ടൻ: ചതുരംഗക്കളത്തിൽ ആധിപത്യം തുടർന്ന് ഇന്ത്യൻ ബാലൻ പ്രഗ്യാനന്ദ. ലോകചാമ്പ്യ നായ മാഗ്നസ് കാൾസണെ മൂന്നു മാസത്തിനിടെ രണ്ടു തവണയാണ് 16കാരൻ പരാജയപ്പെടു ത്തി ഞെട്ടിച്ചത്. ഇന്നലെയാണ് രണ്ടാം വട്ടം തമിഴ്നാട്ടുകാരനായ കൗമാര താരം പ്രഗ്യാനന്ദ നോർവ്വേ താരത്തെ മുട്ടുകുത്തിച്ചത്.
എയർതിംഗ്സ് മാസ്റ്റേഴ്സ് റാപ്പിഡ് ചെസ്സ് മത്സരത്തിലാണ് മാഗ്നസ് കാൾസണെ പ്രഗ്യാനന്ദ തോൽ്പ്പിച്ചത്. എട്ടാം റൗണ്ടിലാണ് പ്രഗ്യാനന്ദ വിജയം നേടിയത്. സമനിലയിലേക്ക് എന്ന് തോന്നിയ മത്സരത്തിലാണ് തന്റെ നാൽപ്പതാം നീക്കത്തിൽ പ്രഗ്യാനന്ദ കാൾസണെ കുരുക്കിയത്. കഴിഞ്ഞ ഫെബ്രുവരിയിലാണ് പ്രഗ്യാനന്ദ കാൾസണിനെ തോൽപ്പിച്ച് ലോകശ്രദ്ധനേടിയത്.
ലോകചാമ്പ്യനെതിരായ തന്റെ വിജയത്തിൽ പക്ഷെ പ്രഗ്യാനന്ദ അത്ര തൃപ്തനല്ല. എനിക്ക് അത്ര ആവേശം തരുന്ന വിജയമല്ല ഉണ്ടായിട്ടുള്ളത്. സ്വയം നിരവധി തെറ്റുകൾ വരുത്തി യിട്ടുണ്ട്. അടുത്ത മത്സരത്തിൽ അത് പരിഹരിക്കാനാണ് ഇനി ശ്രമിക്കുകയെന്നും പ്രഗ്യാനന്ദ പറഞ്ഞു.
